مرات خالي فضحاني علي حاجة «ما عملتهاش»
السلام عليكم بنت خالي كانت في علاقه ارتباط زي مابيسموها هما، المهم البنت عملت حجات فظيعه اتصورت مع الولد دخلو كافيه وفالاخر دخلتلو شقته محصلش حاجه الحمدلله المهم دلوقتي انا عرفت وكلمت الواد وقولت روح اتقدم وبتاع قعد يتهرب مني المهم انا قولت مش هروح لخالي الي لما اجبلو ادله عشان ميقولش اني بقول علي بنته كلام وخلاص وميقوليش انت عايز بنتي وكلام من هذا القبيل.
المهم روحت قولت لامي وهيا بدورها راحت قالتله بس قالتله حجات بسيطه عشان بردو ميعملش حاجه في البنت.. قولتلها تعرفه الصور والمقابلات بس المهم بعد ماعرفتو وعدا شهر طلعت ام البنت تقول انا عايزها وانا بعملها سمعه ومش عارف ايه واخترعتلي حوار وكل دا وخالي ساكت وسمعتي في العيله اتبهدلت بسببها لانها كل شويه تروح لمرات خالي التانيه وتقولهم وهكذا قالت ل 8 من مراتات اخوالي انما اخوالي نفسهم ميعرفوش.
لما بروح عندهم الحريم بتبصلي بنظره مش كويسه هيا وبناتهم الفكره دلوقتي لو قولت لخالي علي كل القصه ومعايا الادله هطلع البنت مش كويسه وهكسر نفس خالي وفي نفس الوقت عايز مرات خالي تسكت وفي نفس الوقت عايزهم يبصولي اني معملش حاجه غلط للعلم الواد دخل الباب واتقدم كده انا قولتله انتا راجل واجي معاك تتقدملها.
