الزوج يصرخ مراتي الواطية تطلب الطلاق بعد ان سددت ديونها«من الحياة»
اتجوزت من كذا سنة وبعد الجواز بفترة بسيطة عرفت إن مراتي كان عليها ديون من قبل ما اعرفها اصلا وكان الموضوع مسببلها ضيق وهم خاصة ان المبلغ كان بيزيد كل شهر لانه كان قرض واخداه وعليه فوايد مع كل تأخير.
المهم قررت اعملها مفاجأة واسدد لها القرض كله وبالمناسبة هوا مبلغ مش قليل حوالي ٢٠٠ ألف جنيه وكانت نيتي وقتها طبعا حبا ليها واني مخليهاش شايلة هم وكمان هيا مش شغالة فمعندهاش مصدر دخل تسدد منه.
وساعتها هيا قالتلي ان ده هيفضل دين عليها ليا. وخلاص الموضوع عدى عليه سنين واتنسى منها اصلا
دلوقتي مراتي طالبة الطلاق وبغض النظر اني رافض عشان بحبها لكن مأكد لها ان لو حصل طلاق حقوقك كاملة وزيادة هتاخديها كلها سواء مؤخر وغيره. وهعمل كدة فعلا لو حصل
سؤالي هل من حقي اذكر حتى موضوع الدين لو الطلاق حصل ولا مينفعش؟ مع العلم اني عمري مثلا ما هخصمه من حقوقها
انا بتكلم هل افكرها بيه بس عشان يكون في خططها مستقبلا لو ظروفها اتحسنت وحبت تسدده ولا بلاش؟
