عمرو مصطفى ينشر رسالة لجدو ..هل يقصد عمرو دياب؟

أثار المطرب والملحن عمرو مصطفى الجدل عبر مواقع التواصل الاجتماعي وذلك بعد نشره رسالة غامضة كتبها عبر حسابه على "فيس بوك".

وقال عمرو مصطفى في منشوره : «رساله لجدو .. هتبعت ناس ولجان تشتم علي الصفحه ولا هيهز شعره مني فلوس بترميها في الارض .. هتبعت ناس تقول صوته وحش ملكش دعوه انا هغني وصوتي وحش .. هتروح تخلي ناس تسرب الاغاني هطلع افضحك وساعتها هتكون نهايتك بجد».

وتابع عمرو مصطفى: «هتجيب عيال بفلوس تعمل فيديوهات ان الاغاني وحشه هتنجح غصب عنك لانها من القلب .. هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو .. علشان الناس تشوفني ١٠٠٠٠٠ علي الفيسبوك بشرف أحسن من ملايين مزيفين يا جدو .. وفي الاخر اتقل علشان الجاي صعب».

وانهي عمرو مصطفى: «نسيت انك بعت ناس للموزعين الي بشتغل معاهم في الخارج علشان انت قلوده قوي .. بس لما تنزل معاهم هفضحك عادي».

و طرح المطرب والملحن عمرو مصطفي أغنيته الجديدة "إلا أنا" وذلك علي موقع "يوتيوب" وهي من كلمات مصطفي إسماعيل وألحان وتوزيع عمرو مصطفي.