خالد زكي: أحوالي المادية تدهورت .. ولحد دلوقتي بركب عربية مراتي ومش قادر أجيب عربية

أعلن الفنان خالد زكي عن تفاصيل أحواله المادية والتي تدهورت معه منذ عام 2011، كما أن ليس له رصيد في أي بنك.

وقال خالد زكي خلال لقاء مع الإعلامية بوسي شلبي في برنامج ليالي TeN: أنا ليس لدي رصيد مادي في البنك؛ لأني للأسف مشيت بطريقة كان الناس بتختلف معي بها، وهي اصرف ما في الجيب يأتيك ما في الغيب فكنت بحب أعيّش أهلي وأخليهم سعداء وكان بالنسبة لي أنا آخر حاجة أفكر فيها خالص فمعملتش حاجة خالص لي.

وتابع: الظروف المادية بتلخبطني ومينفعش أقول ده.. عشان محدش يقول الفنان الفلاني مايعرفش يجيب كذا.. وفي2011 بيعت عربيتي على أمل إن الظروف لما تتحسن هجيب عربية، والحمد لله الظروف اتحسنت كوضع أمني ولكن أنا لحد دلوقتي بركب عربية مراتي ومش قادر أجيب عربية؛ لأني بفكر إن الفلوس اللي ممكن أجيب بيها عربية أقدر اصرفها في الأكل والالتزامات، وبحس بقهر من جوايا على الأحوال المادية بالنسبة لجيلنا.

وشارك خالد زكي في موسم دراما رمضان 2022، بمسلسل الاختيار 3، مع الفنان كريم عبد العزيز وأحمد السقا وياسر جلال وأحمد عز، وظهر خلال أحداث المسلسل كضيف شرف وجسد دور والد الضابط مروان العدوي وهي الشخصية التي لعبها الفنان أحمد عز.