أسرار ماجد لاعبة سلة سبورتنج: موتنا نفسنا أمام الأهلي وحصدنا لقب غاب عنا 9 سنوات… حوار
اختصت أسرار ماجد لاعبة فريق سبورتنج لكرة السلة، لكشف عن أبرز اللحظات في ليلية تتويج فريقها ببطولة دوري المرتبط على حساب الأهلي بصالة الدكتور حسن مصطفى.
أسرار ماجد لاعبة سلة سبورتنج
أسرار ماجد كشفت في حوارها عن أصعب اللحظات في إياب الدور النهائي، وكيف تعامل محمد محروس المدير الفني لفريق سبورتنج وقت تراجع مستوى الفريق ليحول تأخره لانتصار وحصد اللقب الغائب عن خزائن النادي منذ 9 مواسم.
وإلى نص الحوار
ما هي الصعوبات التي واجهت الفريق خلال منافسات دوري المرتبط؟
منافسات كانت قوية جدًا، وفريق المرتبط قدم أداء مميز ولكن غاب عنه التوفيق أمام الأهلي في مباراتين النهائي، فكان لازم علينا أننا نفوز في المباراتين عشان نتوج بالبطولة، مجهود جماعي كبير من الفريقين وفي أخر المشوار حصدنا اللقب.
حديثنا عن مباراة النهائي ومواجهة الأهلي؟
أولًا مباريات الدوري كانت بالنسبة لنا مباريات كؤوس، نخرج كل طاقتنا من أجل الفوز، وفي النهائي لعبنا بذات الفكرة، استطعنا الفوز في أول مباراة على الأهلي وخدنا أول خطوة نحو استعادة اللقب.
هل كان في استراتيجية مختلفة لمواجهة الأهلي في النهائي بخلاف مواجهات باقي الفرق؟
عارفين أن الأهلي عنده لاعبات مميزات في كل مركز، وإمكانيات كبيرة بخلاف أنه مسيطر على البطولة في الموسم الأخيرة، وعشان كدا أخدنا المباراة خطوة بخطوة، كان لازم نخطف الماتش الثاني، محتاجين تركيز وأداء عالي ومستمر، وتنفيذ تعليمات المدير الفني بالحرف.
الأهلي كان متقدم في معظم فترات مباراة الإياب.. أزاي قدرتوا تخطفوا الفوز؟
كنا متوقعين أن الأهلي هيكون أقوى عن الجيم الأول، نزلنا مركزين في المباراة وعارفين أن الجيم مش هيخلص أول الشوطين ولكن في الثواني الأخيرة من للقاء والحمد لله ربنا وفقنا وكسبنا.
هل فقدتي الأمل في إياب النهائي وقولتي إن الماتش مش لكم؟
لا.. الفارق في النقاط لم يكن كبيرًا بين الأهلي وسبورتنج، وممكن نعوضه والمباراة في الملعب، وزي ما قولت كنا متوقعين أن الأهلي يكون بالقوة دي، كل اللي احتجناه زيادة في التركيز.
طقس مهم بتعلمه أسرار قبل إي مباراة مهمة؟
قبل الماتشات المهمة، بحب اتفرج على الفريق المنافس وفيديوهات، عشان أعرف الأخطاء والإيجابيات والسلبيات اللي وقعنا فيها، وطرق تطوير الأداء في المباراة، كمان اتخيل سيناريو المباراة ايه يحصل لو حصل كذا هعمل ايه لو حصل كذا.. بدخل أجواء المباراة من قبل المباراة.
ايه الكلام اللي قولته لبعضكم كلاعبات في أوضة اللبس قبل مواجهة الأهلي؟
أحنا كلنا نتكلم مع بعض عن اللقاء وأهمية المباراة، احنا نستحق نأخذ البطولة دي تحديدًا عشان تعبنا في الموسم دا، وكنا محتاجين نكسب البطولة اللي غابت عننا، وموتنا نفسنا، ونترمي على كل كورة عشان نكسب بس.
أصعب لحظات المباراة الثانية أمم الأهلي بالنسبة لكِ؟
أصعب اللحظات، لما كنا بنرجع للجيم، والأهلي كان بجيب ثلاثية فنتأثر شوية، يمكن مش الأصعب، لكن بقينا نعمل مجهود مضاعف عشان نرجع في الجيم تاني.
أيه ابرز مقولات كابتن محروس وقت ما كنتم متأخرين في النتيجة أمام الأهلي؟
لما دخلنا أوضة اللبس قال لنا إن المباراة لم تنتهي، فارق 7 بونط مش فارق كبير في الباسكت، هنرجع خطوة خطوة، ومنحنا التعليمات بالقفل على مين من اللاعبات الخطة إزاي، والحمد لله اللاعبات نفذوا ده.
من وجهة نظرك إيه سر الفوز وتطور أداء سبورتنج في الفترة الحالية؟
سر الفوز الإدارة والجهاز الفني منظومة كاملة، واقفة في ضهرك، ووفرت كل الاحتياجات اللي محتاجاها الفرقة عشان نفوز ودي كلها مقومات الفريق البطل اللي في النهاية يقدر يحصد البطولات.
ماذا قدمت الإدارة لفريق سيدات السلة بنادي سبورتنج هذا الموسم؟
لما طلبنا نتعاقد مع لاعبات معينة، ومحترفة كويسة نفذا لطبلات دي، والحمد لله اللعيبة مخيبتش ظننا وظن الإدارة وكانت هي دي النتيجة وفرقوا معانا ف بالمباراة، والجهاز الفني بقياد محمد محروس تعب معانا كله كل الكباتن عملوا موسم قوي، وربنا كرمنا بيهم عملنا كل حاجة عشان نفوز والحمد لله
بعد التتويج بلقب دوري المرتبط.. أبرز لحظة من وجهة نظر أسرار ماجد؟
أولا الحمد لله على حصد البطولة، كانت غائبة عن خزائن النادي حوالي 9 مواسم، واللحظة الأبرز أننا قدرنا نكسب البطولة ونرجع أقوى بعد الموسم الماضي.
رسالة إلى زميلاتك بعد الفوز بالبطولة؟
فاخورة بكل اللاعبات معايا في الفريق والفريق الأصغر، عملوا كل جهدهم الموسم ده عشان نكون الأبطال، وعرفنا نرجع اقوى من الأول، لاعبات قد المسؤولية، جهاز تقيل والروح اللي في الفريق سر الفوز، احنا عائلة والحمد لله وكلنا قريبين من بعض
هدف أسرار وفريق سلة سبورتنج في الموسم الحالي؟
أتمنى اننا نأخذ الدوري والكاس وداخلين بطولة أفريقيا ونكمل زي ما احنا تيم واحد وعائلة واحدة.
