ضحية جديدة.. نهلة تستغيث من سائق ديدي: متحرش ونصاب والشركة بتتستر عليه
استغاثت فتاة من سائق بـ شركة ديدي، متهمة إياه بأنه هددها ونصب عليها في أموالها، وعندما تواصلت مع الشركة رفضت مساعدتها وتجاهلت الأمر.
نهلة: سواق ديدي بيتصل بيا وبيهددني
وقالت فتاة تدعى نهلة عدلي في فيديو نشرته على حسابها الشخصي على تيك توك: سواق ديدي بيتصل بيا يهددني بيقولي إنه يعرف مكان بيتي.
وأضافت نهلة: عملت ريكويست لديدي وجاتلي عربية رقمها مختلف عن اللي مكتوب في الأبلكيشن، فرفضت أركب، العربية اللي بعدها جالي السواق اللي عمل القصة دي، العربية قديمة جدا ومفيش تكييف، طريقته وحشة وبصاته في المراية وحشة جدا جدا، للأسف اضطريت أسكت ليعمل حاجة فيا.
وتابعت نهلة: سكت لحد ما وصلني ومكنش عايز ينزلني عند اللوكيشن، وبعدين النظرات تحولت لنظرات قرف ومعاملة وحشة، وصلت هناك بديله الفلوس قالي انزلي فكي انتِي، قولتله حط الباقي في المحفظة ونزلت.
وأوضحت: بعد ساعات لقيت المحفظة ما فيهاش الفلوس بتاعتي، قعدت أرن عليه كتير جدا مردش لحد ما بعت ماسيدج قلت له فيها أنه نصاب متحرش، بعدين كلمني قالي كنت بتغدى واكتشفت إن فيه مشكلة في المحفظة.
واختتمت: لما نزلت استوري كل الناس قالت إن د بيحصل كتير في ديدي.. والسواقين مبيرجعوش الفلوس في المحفظة، عملت في ديدي شكوى في السواق 4 مرات محدش كلمني غير لما نزلت استوري، طلبت منهم بطاقة الراجل علشان أحرر محضر رفضوا، وهما بيتستروا على واحد نصاب، وأنا لو حصل لي أي حاجة هيبقوا هما السبب.
