مآسي محكمة الأسرة.. سيدة تخلع زوجها: تحديت أهلي واتجوزته وطلع مدمن.. وأخرى: اكتشفت إنه بيخوني

تشهد محاكم الأسرة بمختلف مواقعها، مناوشات وتبادل اتهامات بين الأزواج والزوجات، ويحاول كل طرف الانتصار واسترداد حقوقه، لنشاهد ونسمع العديد من القضايا والتفاصيل والحكايات الغريبة ومنها غير الواقعية؛ بسبب الخلافات بين الزوجين، والتي تصل للجوء إلى العنف والوقوف داخل أقسام الشرطة.

زوجة في دعوى خلع: تحديت أهلي واتجوزته وطلع مدمن وشوفت أسوأ أيام حياتي

أقدمت سيدة على رفع دعوى خلع ضد زوجها، بمحكمة الأسرة بعد زواج دام لسنوات عن حب كبيرة وتزوجته دون رضا أسرتها، وأنجبت منه ابنا وفتاة بسبب إدمانه للمواد المخدرة.

وقالت الزوجة أمام محكمة الأسرة: كنا في قصة حب كبيرة وكانوا أهلي مش موافقين عليه بس اتحديتهم واتجوزته ومسمعتش كلام حد وخلفت منه ولد وبنت.

وتابعت الزوجة: فجأة شوفته قدامي مدمن مواد مخدرة وكل يوم يضربني ويعتدي عليا ويشتمني، وعشت أسوأ أيام حياتي.

وأردفت الزوجة: قررت إني أنهي الجواز ورفض يطلقني فرفعت قضية خلع عشان أخلص من الحياه دي لأني كنت خايفة على نفسي وعلى ولادي منه.

وتولت المحامية هناء عطا، الدفاع عن الزوجة برفع دعوى خلع على الزوج، وحكمت المحكمة بالخلع.

زوجة في دعوى خلع: اتجوزته عشان راجل محترم واكتشفت إنه بيخوني

وأقدمت سيدة على رفع دعوى خلع ضد زوجها، بمحكمة الأسرة بعد زواج دام 14 عاما أنجبت خلاله 3 أولاد بسبب خيانته الدائمة لها، مع أنها تتحمل الجزء الأكبر من مصاريف المنزل.

وقالت الزوجة: جوزي موظف في محكمة وبقالي 14 سنة معاه صابرة ومتحملة إني أنا اللي بصرف على البيت يعتبر، وهو بيصرف جزء قليل جدا وعشان العيال اتحملت أي حاجة بس لحد الخيانة ومقدرتش.

وأضافت الزوجة: كل شوية كان بيخوني وكنت بحاول أتطلق ولكن كل حاجة كانت صعبة ومكنش راضي يطلقني واستمر في الخيانة مع إنه راجل ابن عيلة من الصعيد، واتجوزته عشان كنت عارفة إنه محترم ولكن مرعاش العشرة بعد الزواج.