والدة أحمد فهمي تثير الجدل برسالة مسيئة بعد فضح أسرار الطلاق

أثارت ليلى العطار والدة أحمد فهمي ضجة واسعة بأول منشور لها بعد تصريحات الفنانة هنا الزاهد مع إسعاد يونس حول فترة طلاقها من نجلها، والذي جاء عبر حسابها الشخصي بموقع تبادل الصور والفيديوهات "انستجرام".

والدة أحمد فهمي بعد تصريحات هنا الزاهد عن طلاقهما: قليل الأصل لا تعاتبه ولا تلومه

كتبت والدة أحمد فهمي: "مكدبش اللي قال قليل الأصل لا تعاتبه ولا تلومه"، مما اعتبرها البعض توجه رسالة توبيخ غير مباشرة للفنانة هنا الزاهد ردًا على تصريحاتها بشأن طلاقها من فهمي.

متابعة توبخ والدة أحمد فهمي دفاعًا عن هنا الزاهد: عشان كده ولا نزلت دمعة عليكم

في الوقت نفسه، استنكرت متابعة ما كتبته والدة فهمي فقررت الرد عليها بتعليق غير متوقع دفاعًا عن هنا الزاهد: "حيث قالت: "كلامك صح يا طنط عشان كده هنا لا عاتبتكم ولا لامتكم ولا نزلت دمعة عليكم".

هنا الزاهد تكشف لأول مرة عن أسباب طلاقها من أحمد فهمي

وكانت الفنانة هنا الزاهد خرجت عن صمتها وفتحت قلبها إلى الجمهور خلال لقائها مع إسعاد يونس، حيث طشفت لأول مرة عن أسباب طلاقها وكواليس الحياة بعد الإنفصال حيث قالت: "عمري ما تخيلت إن فيه حاجة اسمها طلاق، ربنا عارف إني مقدرش أتحمل التجربة دي فجبهالي بتمهيد في 8 شهور".

وأضافت هنا: "لما حصل الطلاق قولت عادي واتعلمت كتير، ولو رجع بيا الزمن هخوض التجربة، لأني مش هتعلم إلا لما يتقرص ودني، واعتقدت اني بعد الطلاق هضايق، وهبقى غضبانة جدا، لكن أنا منزلتش دمعة واحدة، خلاص الموضوع خلص، أول محصل الطلاق روحت لأهلي وقولت أكيد ربنا شايلي حاجة أحسن".

كما أشارت إلى إنها لا تمانع مشاركة طليقها أحمد فهمي في عمل فني: "لو دور حلو ممكن، هو دلوقتي بقى زميل في الشغل، مش أكتر من كده حتى مش صاحب".

واستكملت هنا الزاهد: "أنا رسمت عن الزواج صورة مثالية وفراشات وأسرة وأبناء، لكن الواقع كان مختلف تماماً، وفي الآخر الزواج قسمة ونصيب، ومش أي حد تصدّقيه ومش أي حد تدخّليه بيتك، ماتبقيش ماشية بعبط".

هنا الزاهد: الزواج ليس رجل وامرأة فقط دي عيلة

وأردفت: "دايماً بحس إن اللي قدامي هيتصرف زيي، لحد ما يثبت العكس، وكنت بحكي أوي عن اللي بيحصل بحسن نية، بس اللي قدامي مكنش كده، اكتشفت إن الزواج ليس رجل وامرأة فقط، دي عيلة، بعد كده أبص للعيلة، مافيش حاجة لوحدك".

واختتمت هنا حديثها قائلة: "في اتنين بيحبوا يقفلوا الدنيا على بعض وفي ناس بيخلوها سداح مداح، أنا بحب الدنيا تبقى متقفلة، أه طبعاً لما يبقى في حد في حياتي هحترم أهله أوي، بس ما يبقاش التدخلات زيادة، أحب البيت يبقى مقفول علينا".