دعودة للعوده لتربية الطيور بالمنازل
كتب الزميل والصديق محمد زغلول بوست فيس علي فيس بوك تاصحا اصحاب المنازل في المدن والقري بلالعودة الي تربية الطيور في منازلهم لتغلب علي ازمة لحوم الدواجن وكذلك البيض وقال زغلول في البوست
اللى كلامى لا يناسبه ياريت يعتبرنى مقلتش حاجه ....
بناءا علي رؤيتى لما يحدث فى مجال الدواجن
كل اللى انتم شايفينه دلوقتى هو بدايه فقط
وده من كلام مهندسين مسؤولين عن مزارع دواجن كبيرة
للاسف مكانش فى تسكين امهات فى شهر ١٠ و ١١ و١٢ وتسكين جزئى فى شهر ١
وده معناه أن هتقابلنا ازمه اكبر فى شهر ٧ و ٨ و ٩ فى الكتاكيت وبالتالى ازمه اكبر و اكبر فى اللحم الأبيض فى شهر ٨ و ٩ و ١٠
م الاخر كده اللى مش هيربى مش هيعرف يأكل ولا يأكل بيته و عياله
هتقولى العلف غالى هقولك اللحم اغلى
هتقولى معنديش مكان اربى فيه
هقولك انا كلامى إلى يعرف ينفذه
هتقولى هتقولى هتقولى
هقولك انت صح و مش هدخل معاك فى جدال
كلامى إلى يناسبه فقط
نرجع تانى ندبر من مصروفنا
ونربى عشان اللحم و البيض
النهارده يا سعدها يا هناها اللى عندها فرختين بلدى فوق السطح بيبيضوا بيضه من ام ٤ ج النهارده ول بكرة هتبقى ب٥ ، و٦ جنيه
يا بختها اللى عندها عشر فرخات بتدبح منهم
النهارده من ام ٨٠ ج واكتر للكيلو الواحد
امى وامك مكانوش مليونيرات
كانوا بيربوا لأنهم على قد حالهم
البيضه من فوق السطح ارخص بكتييييير
من البيضه ام ٤ ج ده لو معاكى ٤ ح اصلا ثمن البيضه الواحده
ارجعوا ربوا
اللهم بلغت اللهم فاشهد ...