فتاة تكتشف ان خطيبها بتاع اسطوانات فاشلة -وبيقول عليا معقدة
تعتبر فترة الخطوبة من الولي الخطوات في اتمام عملية الزواج وتكون بمثابة تعارف عن قرب بين الشاب والفتاة ومعظم الشباب فترة لاختبار شريكة حياتة وتعتبرها الفتاة فترة للتعرف اكثر علي الخطيب وتلك فتاة ارسلت بها الينا
انا اتقدملي واحد من بلد جنب بلدنا في احد مراكز محافظة الدقهلية وأهلي وافقو عليه واخد رقمي واخدت رقمه ورن عليا
واول ما اتكلم معايا اول مكالمه اشتغل يقولي في كلام كده وانا استغربته وبعدها قلي خلاص اتاكدت انه عمرك ما كلمتي ولد
ومره قلي انتي بتقعدي لوحدك في الاوضه صح قولتله ايوه قلي يعني لو طلبت منك تتصوري بشعرك وترني عليا فيديو هتوافقي قولتله لا طبعا حرام كده َمش ينفع
بعدها قلي خلاص كنت بهزر معاكي
اسطوانات الخطاب الفاشلة
وكل مره يكلمني على الحاجات ال بتحصل بين الزوجه والزوج وانا بفصل في وشه وبعدها اقوله كده حرام والله ومش يرضى ربنا
بعدها انا امبارح لما فكرت مع نفسي قولت كده حرام ومش يرضى ربنا ومينفعش حد يكلمني في الحاجات دي
وأنا والله والله عندي ٢٤ سنه عمري ما كلمت ولد وروحت الجامعه زي ما جيت عمري ما اختلطت بولد في الجامعه
انا روحت بعتله رساله قولتله انا هبلغ اهلي وكل شي نصيب وانا بخاف من ربنا ومستحيل اتكلم في الحاجات دي وانا محافظه على نفسي ٢٤ سنه وعمري ما اعمل حاجه غلط
راح قلي هرن عليكي وردي رديت
افكار غريبة علشان انا صح
قلي انتي عندك ٢٤ سنه وعمرك ما اتخطبتي قبل كده وانتي كنتي بتقولي انه اهلك مش فاهمينك وامك قالتلي انك أفكارك غير أفكارهم وكل حاجه عندك حرام حرام ومعملش غلط
راح قلي الدنيا اتغيرت لازم الوحده تعيش وتعرفي الدنيا ماشيه اذاي وربنا خلقنا زوج وزوجه علشان نعيش مع بعض ونتزوج ونحب بعض وكلام كتير وقلي انتي أفكارك غريبه حتى ضد اهلك ولازم تشوفي الدنيا وتحبي وتتحبي وتكلمي وتتصوري بشعرك وجسمك وتحبي جسمك وكلام كتير.
اخلاقي تحكمني
قولتله بس اهلي مش متعلمين لكن انا متعلمه وحافظه القرآن وديني قلي الكلام ده كله حرام وانتي كلامك غلط
راح قلي انتي متعقده وصعبه وعمرك ما هتتجوزي بتفكيرك ده
دلوقتي عايزه اعرف كلامي انا ال صح ولا هو واسيبه ولا ايه
انا اصلا مش بحبه بس كلامه انا شايفاه حرام. انتو ايه رايكم بالله عليكم ...