بعد خطوبة 7 سنوات خطيبي عاوز يبيع الذهب لارتفاع سعرة
من فضلك يا أستاذ محمد نزل مشكلتي وعاوز تحط اسمى حطه بس ياريت متحطوش لان موضوعى حيوي جدا و محتاره فيه اوي و مش عاوزه اغضب ربنا
دلوقتي انا اتخطبت لواحد من فتره كبيره جدا اكتر من ٧ سنوات مثلا و للاسف الخطوبه طولت نظرا لظروف سفره و ظروف تانيه كتير حصلت معاه و كنت بقف جنبه وبعاند فى نفسي واهلى تحت اسم الحب
خطوبة وسفر 7 سنوات
دلوقتي هوا لحد الان لسه الظروف عنده قائمه و خصوصا بعد انيهار الجنيه و سوء الاقتصاد ف البلد ازدات سوء عنده بسبب مشاريع عملها اخر جوزانا بسببها وفشلت دلوقتي
و قالي براحتك يا تستني يا تشوفي حياتك و بصراحه انا عمري ضاع بسببه و مش ما بقتش ضامناها ف اللي جاي
اانا اما زهقت من انه طول سفره للسعوديه اشتغلت انا كمان
شبكة ب15 الف جنية
الفكره بقي انه من ٧ سنين جبنا الشبكه ٦٥ جرام و مش فاكره بالظبط تقريبا بحوالي ١٥ الف جنيه
و ساعتها كنت عاوزه شبكه زي اخواتي ب ٥٠ الف و علشان ظروفه اتنازلت لحد ١٥ الف و قدرت و كان جايبهالي بالعافيه اصلا لانه كان عاوز يجب ب ٥ او ٧ الالاف جنيه بس
و عمل انه جه ع نفسه اوي وضحي و زود مع انه كان معاه فلوس فعلا بس عاوز يجيب بيها حاجات لنفسه اولي زي انه يغيير العربيه مثلا
الخطيب طمع في ذهب خطيبتة
المهم هوا دلوقتي عاوز الشبكه يبعها بحجه انه مزنوق ف فلوس و ع اساس انه فسر اني اما سافرت اخترت انهي علاقتنا
غالبا اما الدهب غلي اوي طمع فيها
دلوقتي المفروض اعمل ايه يرضي ربنا
و متبقاش معايا فلوس حرام
اديله تمنها من ٧ سنين اللي هما ال ١٥ الف جنيه
ولا اديله الشبكه زي ماهيه كده
ولا اشوف تمنها كام دلوقتي و اديهلوه
ولا مش من حقه ياخدها اصلا خصوصا ان هوا سبب التاخير ده كله
الفكره كمان اني متعلقه بالشبكه اوي و بلبسها ع طول و مش هاين عليا اديهاله ..