سيدة تتهم طبيب مشهور التحرش بها داخل غرفة الكشف في العيادة بالدقي
اتهمت إحدى السيدات طبيب عظام شهير بالـ تحرش الجنسي بها، أثناء جلسة علاجية في مقر عيادته بمنطقة الدقي.
طبيب شهير يتحرش بمريضة داخل عيادته بالدقي
وتقدمت السيدة إ.ا باستغاثة لمكتب مساندة المرأة الجديدة لطلب المساعدة حول الإجراءات الواجب عليها اتخاذها، بعد تعرضها لحادثة التحرش الجنسي من قبل طبيبها المعالج في مقر عيادته بالدقي.
وذكرت السيدة في بلاغها أنها تم التحرش بها في يوم الثلاثاء 9 أغسطس الجاري، في عيادة طبيب شهير، قائلة: دايما بروح بزوجي ودايما بيكون معايا وبتعالج معه بقالي 3 سنوات تقريبا لتقويم العمود الفقري وعلاج الغضاريف بدون جراحة.. ويتم عمل جلسه تسمى الكايروبراكتيك أي طقطقة العظام.
وتابعت السيدة في البلاغ: المهم رحت لـ الطبيب وأنا كنت تعبانة جدا، وأنا أعاني من الغضاريف العنقية والقطنية وخشونة بالركبتين وأنا عارفه تماما جلستي بتم ازاي لأني بقالي معاه فترة كبيرة وبحتاج جلسة ممكن كل 6 شهور أو وقت ما التعب يشتد عليا جدا.
تفاصيل تحرش طبيب بمريضة بالدقي
وأكملت السيدة تفاصيل التحرش بها قائلة: المهم اليوم ده كان معايا ابني الصغير لظروف سفر زوجي وكان التعب شديد عليا جدا، رحت له وبدأ بالكشف وعمل الجلسة وأثناء العمل قام بفتح سوسته العباية ووضع يده بشكل مباشر على أماكن عفتي، جالي شلل من الصدمة ومش متخيلة ومش مستوعبة اللي بيحصل.
وأضافت: المهم رحت خرجت إيده وقفلت سوستة العباية وطلبت إني أمشي فورا لأني تعبانة جدا، وكنت عايزة أخد ابني وأمشي، المهم راح فتح سوستة العباية تاني ودخل إيده والمرة دي حسيت بحاجة ناشفة في ضهري واكتشفت أنه عضوه الذكري، وحاولت أفك إيديه ولكن معرفتش للأسف لتعبي، وفجأة هو صوته هدي جدا وبقي عرقان أوي، فهمت إنه خلاص وصل لذروته، أخدت ابني ومشيت وأنا منهارة وتاني يوم رحت عملت محضر بالواقعة.
وحررت السيدة محضرا في قسم شرطة الدقي، موضحة عنوان عيادة المشكو في حقه، وتمت متابعة كافة الإجراءات القانونية، وأحيل للتحقيق أمام الجهات المختصة.
