وفاة ام ليلة فرح ابنها والعريس يطلب الدعااء لها
توفيت سيدة أثناء حفل زفاف نجلها، متأثرة بمعاناتها من مرض مزمن على مدار 3 أعوام.
الواقعة شهدتها مدينة المحلة الكبرى بمحافظة الغربية، التي بدورها تحولت مظاهر الفرح فيها إلى حزن شديد.
وروى الشاب أحمد عبدالحكيم تفاصيل معاناته في ليلة زفافه، وقال خلال منشور عبر "فيسبوك": "أمي ماتت يوم فرحي.. من 3 سنين فجأة قالت لي هخطب لك، قلت لها يا ماما أنا مش مستعد دلوقتي، قالت لي لأ وأصرت".
وأردف: "عدت الأيام وتعبت وتعبها اشتد، وفضلنا نعافر مع الأيام ونحارب الظروف، وهي تقول لي (يلا اخلص بقى يا أحمد اتجوز عشان أطمن عليك وأموت)".
وأضاف: "كنت بزعق وأقول لها متقوليش كده، عشان مكنتش متخيل أبدا إنها ممكن تسيبني".
وتابع: "أجلنا الفرح أكتر من مرة وهي تقول لي اخلص بقى يا أحمد قبل ما أموت، وبعد 3 سنين جه يوم الفرح اللي كانت بتحلم بيه وبتحلم تشوفني عريس.. تعبها اشتد يوم الفرح وفضلت أقول لها أنا مش هعمل الفرح وهفضل جنبك".
واستطرد: "فضلت تعافر لآخر نفس فيها وتقول لي روح البس بدلتك هتبقي عريس زي القمر وأنا هبقي كويسة وأجيلك، ولو لغيت الفرح مش هبقي كويسة.. مرضتش أزعلها وروحت لبست واتصورت، ويادوب ملحقتش أوصل القاعة كانت راحت وسابتني".
واختتم عبدالحكيم: "هي اتطمنت إن أنا لبست البدلة وبقيت عريس ومشيت زي ما كانت دايمًا بتقول لي.. وحشتيني أوي يا ماما.. الحمد لله وإنا لله وإنا إليه راجعون.. ادعوا لها".
