حوادث اليوم
الثلاثاء 7 مايو 2024 03:08 مـ 28 شوال 1445 هـ
بوابة حوادث اليوم
رئيس التحريرصلاح توفيق

فاروق فلوكس يرد علي سخرية محمد رمضان من دورة صبي عالمة

 فاروق فلوكس
فاروق فلوكس

رد الفنان فاروق فلوكس على السخرية التي قام بها محمد رمضان بعد تصريحات الأخير وسخريته من فلوكس لتجسيده دور "صبي راقصة"، حيث أكد على أن رمضان لن يتمكن من إتقان الشخصية مثله.

وقال فلوكس: "أنا ما عملتش دور صبي الرقاصة فقط، أنا عملت أدوار تانية مهمة، وكتير فالجيل الحالي يتمنوا يقدمو نفس الأدوار دي ، وده لأهميتها"، موضحاً: "عملت دموع في عين وقحة، بطولة عادل إمام، ودي لغة الفن اللي مابتمشيش بنوعية واحدة، جميع أدواري اللي قدمتها على مدار مشواري الفني بقدم شخصيات مختلفة، وهي دي اللي الناس بتصدقها"، وفق (لها)

وعن مهاجمة محمد رمضان للفنان القدير الراحل فريد شوقي، قال: "محمد رمضان ممثل كويس ماقولناش حاجة، بس لازم يروح يعالج نفسه عند دكتور نفسي".

أسباب إيقاف محمد رمضان عن الغناء.. «بيقلع على المسرح» - فن - الوطن ساعة محمد رمضان وسعرها الخيالي – صورة | مجلة الجرس

و أضاف" كون إنه دايما بيقارن نفسه بالكبار، وبيقلل من قيمتهم الفنية والشخصية، وهو لسه مهما كان مابقالوش كتير في الساحة الفنية، يدل على أنه غير سوي، وأنه من الشخصيات الحقودة دائمًا على الأنجح منه، وهو شاء أو أبى فهو جنب فريد شوقي وغيره من زمن الفن الجميل فنان صغير جداً طبعاً".
و تابع" اللي يعيش عصر فريد شوقي هيعرف إن مكنش في شباب بيمسك السلاح في إيده وهو رايح الفرح، ولا كان فيه شباب بتقتل عشان المخدرات، زمان كل الشباب رجالة بجد عشان كان فيه حاجة اسمها حرب، وهو طبعًا استحالة هيفهم حاجة زي كده".
واستطرد فلوكس قائلاً: "فريد شوقي كان الملك في المجال ولازال الملك، لكن أنت بقى ملك إيه؟ ملك الحواري للشوارع والعيال البايظة، ولا ملك المهرجانات والإسفاف؟، لابد من معالجة محمد رمضان نفسياً مع احترامي ليه وهو ممثل شاطر".

ووجّه إليه نصيحة قائلاً: "أرجو منك متهاجمش القمم القديمة ولا الحديثة، عمر حد مننا طلع قال أنا نمبر واحد في العالم، ليه يا محمد يابني ده من تواضع لله رفعه".

وكان الفنان محمد رمضان قد هاجم الفنان فاروق فلوكس، خلال لقاء قديم مع الإعلامية نجوى إبراهيم في برنامج "بيت العيلة"، وأعادت قناة "النهار" إذاعته منذ أيام، حيث قال: "فيه فنان كبير عمل أشياء أرفض أن أفعلها، عمل دور صبي عالمة ولو هاشحت مش هبقى زيه ولا هاقدم الأدوار دي".

العيون الساهرة

    xml_json/rss/~12.xml x0n not found