تامر حسني بتجاهل الحديث عن طلاقة من زوجتة
تجاهل الفنان تامر حسني تجاهل الشائعات التي طالته أخيرًا حول انفصاله عن زوجته الفنانة المغربية بسمة ، حيث قام بإحياء حفلاً ضخماً لخريجي الثانوية العامة في الإسكندرية.
و نشر حسني مقطع فيديو من حفلته عبر حسابه الخاص على تطبيق تبادل الصور (إنستجرام)، وعلق عليه قائلًا: "إسكندرية إمبارح مكانتش حفلة، كان حدث مش عادي، بجد عيني مكانتش عارفه تجيب آخر الجمهور، حضوركم الكريم ده هفضل فخور بيه طول عمري".
وأضاف حسني" اتشرفت بتقديمي لـ 13 موهبة مصرية من مختلف محافظات مصر، وفعلاً كسروا الدنيا بأصواتهم اللي فوق الرائعة، وعازف الساكس الصاعد المتميز اللي قدّمته وموهبته كانت مفاجأة كبيرة للجمهور، فخور بالتنظيم أستاذ أدهم بكري الشاب الجميل الإسكندراني، اللي كان بيحبني من وهو 15 سنة، وقولتله لو بتحبني أوي لازم تنجح، ووعدني أنه هينجح والنهاردة عنده 30 سنة، ومن كبار منظمي حفلات إسكندرية، ويكون صاحب الحفل الأضخم في تاريخ حفلات مصر".
و تابع" بشكر رجال الأمن كل الشكر مجهود عظيم، في دخول وتأمين عدد خرافي زي ده، لحد دلوقتي مفيش كاميرات عرفت تصور الجمهور، رغم كل الصور دي بس قريب هينزل تقرير كبير عن الحفلة، هيكون أوضح إن شاء الله".
واختتم تامر حسني منشوره قائلاً: "شكراً طلاب الإسكندرية حبايب قلبي، شكراً لكل شعب إسكندرية العظيم الراقي المحترم، شكراً لكل الوحوش اللي تعبوا في المسرح الكبير ده، وإخراج الحفلة بالشكل العظيم ده اللي يليق بالإسكندرية وشعبها".
