حكاية محمد هنيدي مع كورة كفر خضرا !!
سؤال يجيب عنة محمد هنيدي بكل برائة
ايه أكتر حدث حزين حصلك في طفولتك يا هنيدي ؟؟
من الحاجات المأساوية اللي حصلت في طفولتي كانت أمي مسافرة وانا كنت عند قرايبي في أبو قير في اسكندرية وبعدين قعدنا انا والعيال نعمل دورة كورة ووقتها كانت الكورة الشراب فمين بقى اللي هيجيب لهم كورة كـ. ـفر ؟؟ مفيش غيري ، انا أبويا كان بيشتغل في ليبيا وقتها فكنت اغنى عيل فيهم ، فقلتلهم نكمل الدورة بالكورة الشراب وأمي وهي جاية هتجيبلي كورة كـ. ـفر وعيشت العيال بقى في الحلم وفعلا أمي كلمتني وقالتلي هجيبهالك وجات فعلا وجابت الكورة وكأن حلم حياتنا اتحقق والمصحف الشريف وكان لونها اخضر وكانت حاجة عظيمة كده وانا طبعا راسم على العيال اوي صاحب الكورة بقى فلازم العب واكسب ومقفش جون يا اما هاخد الكورة وامشي وجينا أول ماتش هنلعبه بالكورة الكـ. ـفر وفجأة خرج علينا واحد الله يسامحه بقى عارف انت الناس اللي بتخرج بالفانلة الحمالات والبوكسر وغـ. ـبي كده في نفسه كان نايم الساعتين بتوع العصر دول خرج وجالنا ولا قالنا العبوا بعيد ولا قال يلا ياض انت وهو من هنا ولا أي تنبيه خالص والله يا أشرف اول ما قرب مننا لقينا في ايده سكينة قد كده ومن غير ما يقول ولا كلمة مسك الكورة وراح شاققها نصين قدامنا يا نهار اسـ. ـود بقى على اللي حصلي ، انهيااااااار وصريخ وقعدت اتمرمغ في الأرض والطم على وشي دي كورة مستنيها بقالي اربع شهور وملعبتش بيها ماتش واحد
-قـ. ـتل حلمك !
=والله العظيم يا أشرف موجها كلامة للفنان اشرف عبدالباقي لحد النهاردة كل ما اروح عند قرايبي في اسكندرية واشوف الراجل ده ما برضى اسلم عليه
