تفاصيل خروج شرين عبدالوهاب من المستشفي
كشف القانوني ياسر قنطوش وهو محامي الفنانة شيرين عبد الوهاب، عن تفاصيل حالتها الصحية وحقيقة الصورة التي تناقلها رواد مواقع التواصل الإجتماعي بشكل كبير، حيث كان حسام حبيب بجوارها بالصورة.
و قال قنطوش خلال مداخلة هاتفية له مع برنامج "كلام الناس" مع الإعلامية ياسمين عز: "شيرين بصحة جيدة وصدر تقرير من مجلس الصحة النفسية بأنها لا تستلزم العلاج الإلزامي، وبناءً عليه أنا النهاردة خرجتها من المستشفى ورجعت لبيتها".
و أضاف" الفنانة شيرين قبل ما تدخل المستشفى بأسبوع كانت عاملة حفلة كبيرة والآن حالتها الصحية بتسمح لها بمزاولة حياتها الطبيعية، وهي لو تعبانة مكنش هيطلع تقرير من مجلس الصحة النفسية إنها تخرج فوراً".
و تابع قنطوش" إحنا طول الوقت كنا بنتعرض لحملة مدفوعة وموجهة بتشكك في شيرين ومرض شيرين ومحامي شيرين، ولكن الحمد لله كل حاجة ظهرت للرأي العام وخرجت لبيتها بالسلامة، وهي الفترة اللي جاية هتكون مركزة في شغلها وحياتها الفنية ومفيش أكتر من كده".
واختتم حديثه قائلاً: "أنا إمبارح حاولت أدخل المستشفى بصفة ودّية لأن وجودها في المستشفى بقى اختياري وموش إجباري، ومن حق أي حد إنه يزورها ولكن إحنا مُنعنا من الدخول، وهي طلبت مني إني أنشر التسجيل الصوتي ده، علشان الناس اللي بتثير الشكوك، وبناء عليه صدر القرار وخرجت لبيتها".
