من سمية الخشاب لشرين عبدالوهاب لما تتعاطفي مع نفسك نبق نتعاطف معاكي

نشرت الفنانة سمية الخشاب مجموعة من الرسائل، عبر حسابها على موقع التواصل الاجتماعي "تويتر"، تزامنًا مع عودة الفنانة شيرين عبد الوهاب لطليقها الفنان حسام حبيب رغم الخلافات المستمرة بينهما.

وعلقت الفنانة المصرية بطريقة غير مباشرة على الأمر وكتبت: "بعد كده يا حبايبي منتعاطفش مع حد الا لما نتاكد انه هو نفسه متعاطف مع نفسه عشان منحرقش كتير على الفاضي".

وأضافت "الواحد لما بيركز فشغله وحياته وشكله بيوصل لمرحله ملكية مبيبقاش فعلا محتاج لحد، الا لو هو بلا هويه ولازم يكون تابع لحد عشان يعرف يعيش".

وتابعت في تغريدة ثانية: "اي علاقه تمنها كرامه الانسان تغور في ستين داهية العالم فيه 6 مليار والله. المهم يا بنات ويا ستات ارجوكم حاولوا على قد ما تقدروا تبقوا good representation واعرفوا قيمه نفسكم واعرفوا انكم مش محتاجين اي حد في الدنيا، ده بالعكس هما اللي محتاجيننا اكتر".

وختمت تغريداتها برسالة مباشرة كتبت فيها: "لا للتعلق، لا للتعلق بالناس السامه لا للتعلق بالناس المؤذية، اتعلقوا بالحب الوحيد والكبير رب الكون اللي عمره ماهيتخلى عنكم وعمره ما هيأذيكم ومن عبده مفيش حاجة اسمها حب".

=