ميمي جمال :مبفهمش في أي حاجة في الحياة الا التمثيل

خرجت الفنانة ميمي جمال عن صمتها حيث قررت الرد على الصور التي تناقلها رواد مواقع التواصل الإجتماعي في الآونة الأخيرة التي تظهرها وهي مرتدية الحجاب.

وقالت ميمي جمال في مداخلة هاتفية لها في برنامج "حضرة المواطن"، مع الإعلامي سيد علي: "أنا قعدت أكتر من 6 سنين مكنتش قادرة أشتغل يعني عشرة العمر دي مبتبقاش سهلة فأنا قعدت فترة في البيت".

و أضافت" أنا عملت مع جوزي كذا عمرة وليا صور وأنا محجبة وأتشرف طبعًا إني أبقى محجبة، وبالنسبة للإعتزال.. لء أنا معتزلتش كل الكلام بيتقال انه كانوا بيسألوني انتي بتشتغلي ولا لء، وكنت أرد عليهم لا أنا مش بشتغل خلاص، فاعتبروه اعتزال".

و تابعت" بعد مجوزت بناتي الحمدلله لقيت نفسي مبفهمش في أي حاجة في الحياة الا التمثيل، فمبعرفش أعمل أي حاجة تانية، فلقيت نفسي أول حد فعلًا كلمني كانت لميس الحديدي وكلمتني وقالتلي عايزة أعملك برنامج ونتكلم عن الممثلين وشغلك والقديم والجديد، وقتها حسيت انه روحي رجعت ليا".