الاب وزوجتة خلصوا علي رنا بسبب مشتهدتها افلام جنسية
قامت زوجة الاب بتعذيب ابنة زوجها بمنطقة الخانكة بمحافظة القليوبية التي شهدت واقعة مأساوية عقب مقتل طفلة على يد والدها وزوجته الثانية، حيث اعتدت الزوجة الثانية للأب على ابنة زوجها وعذبتها بمساعدة والدها، لتفقد الفتاة حياتها بعد تعرضها للتعذيب والاعتداء.
وقال الأب المتهم أمام جهات التحقيق: أنا أتجوزت من واحدة اسمها أحلام من وأنا عندي 18 سنة، وخلفت منها رنا المتوفية ونورًا وزياد وكنا قاعدين في بيت أبويا في الخصوص، ومن حوالي 7 سنوات بدأت أشوف مراتي أحلام مش نظيفة في نفسها وجالها مرض السكر فقررت أتجوز عليها.
وقال الاب امام جهات التحقيق : أختي عرفتني على واحدة اسمها نجلاء صاحبة كوافير اللي هي متهمة معايا دلوقتي، واتجوزتها بس مخلفتش منها وفضلت أحلام مراتي الأولى على ذمتي لغاية دلوقتي، بس مش عايش معاها وعايش مع نجلاء مراتي الثانية في بيت أجرته في الجبل الأصفر في الخانكة، ونورا بنتي كانت ساعات بتيجي تقعد معايا تبيت ليلة في البيت وتمشي.
وأكمل المتهم بقتل ابنته بالخصوص: من حوالي 5 شهور أحلام مراتي الأولى جاتلي البيت وكان معاها رنا بنتي وقالت لنجلاء مراتي التانية خدوا رنا خلوها معاكم شوية عشان أبوها يربيها، ونجلاء كلمتني في التليفون وقالتلي فأنا قولتلها لا أنا مش عايز أشيل مسؤولية، فتحايلوا عليا فأنا قولتلهم نص ساعة وجاي.
واضاف المتهم قائلا: بالفعل روحت للبيت ولقيت بالفعل رنا بنتي وأحلام في البيت وقعدت معاهم وأحلام قالتلى خلي البنت عندك شوية علشان هي طفشت من البيت قبل كده كذا مرة، فقالتلي خدها ربيها وشد عليها ووافقت وأخدت رنا عندي فى البيت وفضلت عندي.
وقال الاب المتهم مضيفا أمام جهات التحقيق قائلا: في مرة أخدت منى التليفون من غير ما أعرف وكانت بتجيب حاجات مخلة وبتقعد تتفرج عليها واللي اكتشف الموضوع ده وقالتلي عليه دنيا بنت نجلاء مراتي الثانية ولما عرفت كدة ضربتها بالأقلام على وشها علشان أربيها ومكنتش عارف أنها هتموت.
