الانسة حامل من خطيبها وفسخوا الخطوبة !!!!
الاستهتار هو عنوان هذه المشكلة التي تطرحها فتاة والتي تنتهي عادة بأنجاب طفل ويلقي به في احد الشوارع وتتحول لحظات حطأ عابرة متمثلة في شهوة الي جريمة وفضيحة للفتاة وبوابة حوادث اليوم تنشر رسالة الفتاة كما جاءت لتكون تجربة تعرفها كل فتاة قبل ان تقع في المحظور
لوسمحت اعرض مشكلتى بس من غير اسمى الله يخليك
انا اتخطبت لواحد كنت بحبه اوي ارتبطنا سنه بعلم اهالينا واتخطبنا من قريب و اتجاوزنا مع بعض و كان حصل حمل ونزلنه و عهدت نفسي قودام ربنا معملش كدا تاني بس مقدرش احكي لاهلي حاجه وهو كان من الوقت للتاني اما موافقهوش في حاجه كان يهددني باللي بينا وصور وشتات عشان اسمع الكلام وفعلا كنت بسمع الكلام خوفا منه و من اهلي دلوقتي حصل مشاكل بين اهلي واهله و اهله جم علينا جدا
فسخ الخطوبة بعد غلطة عمري
وتضيف الفتاةو فسخنا الخطوبه وهو بقا رجع شخص وحش جدا وبيعمل حاجات وحشه مع البنات وانا كل دا عارفه ومش بتكلم انا مليش دعوه بيه بيكلمني يهددني ويبعت لاهلي صور بينا و يفضل يبعت ويمسح عشان اخاف اما بيعرف اني نزلت او روحت في حته عشان شايف ان هو بردوا ليه حكم عليا وهو حر ولو معملتش اللي بيقولي عليه هيقول لاهلي وقرايبي كلهم وانا مش عايزه ارجعله ب اي شكل وبيقعد يبعت لمامتي صور بينا مش بتفهم و بقول اي حاجه تطلعني منها لانه مش بيبعت حاجه ليا هو بيبقي جزء من وقت الحمل دا ومش عايز يبعد عني نهائي وبيكلمني يشتمني ويبهدلني ومش بيخاف ربنا ابداااا بقعد احلفه بربنا يسبني في حالي مش راضي وبيفرض كل اوامره وبضطر اسمع الكلام بس
بهدلة وازلال وتهديد
وتضيف انا مبقتش قادره بقا هيحصلي حاجه من وجع قلبي واللي بيعمله فيا من عذاب وايام خطوبتنا كان بيضربني و يشتمني باسوء الشتايم وحاجات كتير ومكنتش بعرف اقول لاهلي عشان لو قولت هيقولهم كل حاجه ومش راحمني فعلا ومش لاقيه حل ونفسيتي تعبت اوي وبموت بالبطي اهلي شداد جدا ومش قادره انطق وهو مش راحمني
تهديد بالفضيحة
و عايز كمان يقول لاهلي كلهم مش ماما وبابا بس يعني فضيحه من كل حتي لاهلي واخواتي ومش لاقيه حل وهو ملوش كبير واهله ماشيين وراه وخلاص ومش بيتقوا ربنا في حد وبيهددني بالموت واني مش هبقي لغيره و انه هيتجوزني ومحدش هيعرف عني حاجه وعايزني وانا عايشه مع اهلي لسه اقطع مع امي عشان مدايق منها بالله عليكم حد يقولي حل انا بموت والله بموت بفكر انتحر كتير انا حياتي ادمرت ومش عارفه اعمل ايه ..
