العروسة الاتكيت وقعت في عريس فلاح امه بتغسل المواعين في الحمام
تحولت عزومات رمضان التي تعني المودة والمحبة والرحمة الي مايشبة السجال والمناظرة دون تقدير للهدف منها في الشهر الكريم وهاهي شكوي من عروسة تقول فيها
قرفانة من اهل جوزي
انا عروسه جديده قبل رمضان باسبوعين بس جوزي مهندس وبتشتغل هنا فى القاهرة. بس اهله من بلد فلاحين بالوجة البحري وانا من القاهره روحنا مع بعض شهر عسل ١٠ ايام وجينا علي البلد بس انا مقدرتش اقعد يومين ومشيت بيتهم ريفي
جدا وقرفت من كل حاحه وهو قالي حتحجج باي حاجه انك تمشي بس اوعي تبيني ليهم انك قرفانه او متضايقه لو جيتي علي اهلي وامي ملكيش مكان في حياتي المهم زعلت وعتبته بعدها وفضل يقولي دا بيىتي ودي حياتي وانا مضحتكش عليكي ولو علي المرواح انا مش حوديكي هناك تاني جينا في رمضان اتعزمنا عند بابا اول كام يوم وبعدها اهلي عزمونا
زوجي يتهرب من عزومة اهلي
وتضيف العروسة وكل اما اقولة عايز اعزم اهلي بتهرب لحد ما لقيته جابهم وجاي امه وابوه واخواته صغيرين ١٠ سنين طبعا انا حلفت ما حماتي تعمل الاكل خالص عشان مكنتش حعرف اكل المهم عملت فطار وكلنا ودخلت نمت شويه ومكنتش غسلت المواعين سميعت سوت دربكه في الحمام لقيت حماتي لمت المواعين وفي طبق بلاستيك كبير وبتغسلهم في الحمام بالبتاع بتاع الدوش الخرطوم ده في الارض وقاعده علي كرسي الصغنن زي ما بتعمل في البلد عندها انا شوفت المنظر
فقدت اعصابي في الحمام
زعقت وقولت ايه المنظر ده انتي فاكره نفسك فين قالتلي مالك يابنتي انا قولت اريحك وانا مبقدرش اقف علي رجلي قولتلها كنتي سبتيهم مش تعملي كده انا مش حعرف اكل فيهم تاني دول مغسولين في الحمام المهم زعلت وحمايا سمع وخدها وطلب عرببه مخصوص ومشيوا روحوا وانا فضلت اغسل فيهم تاااني عشان قرفانه منهم جه جوزي زعق وقالي لازم اسافر معاه اعتذر ولا قولتله لا قالي خلاص خليكي في البيت انا ماشي عند اهلي انسيهم غلطتك ومش راجع الا لما تنفذي اللي قولتي عليه وسبني ومشي انا كده غلطانه ..
