انتظر حبيبي سنين وامة ترفض ان يتزوجني لاني خريجة جامعية

مشاكل الحياة لاتنتهي ولكل منا نصيب منها يختلف عن الأخر ولكنة في النهاية هي تجارب تقوم بوابة حوادث اليوم بتشرها لتضاف الي تجاربنا وخبراتنا وتلك رسالة لفتاة شابة

بحبة وبيحبني وامة شديدة
عندي مشكله وعاوزه حل ضروري انا من بلد ريفي وبحب واحد وهو بيحبني حصلت ظروف وسافر وانا فضلت اقوله ييجي ويتقدم لان ف ناس كتيير بتتقدم وبرفض ع الفاضي للعلم احنا من بلد أرياف وبيتهم صحيان بدري م الساعه٦ ووالدته شديده جداااا ف التعامل مع ازواج أخوه واحيانا بتوصل للشتايم بس

تقصير وعقاب

وتضيف صاحبة المشكلة ان احد جيران حبيب القلب قالت لها ان الام بتعمل معاهم كدا بسبب تقصيرهم وانهم بيحملوا بعض مصالح البيت ومش بيمشوا غير بالصوت العالي لدرجة الكل بيحكم علي ال تدخل البيت دا أمها داعيه عليها معلش طولت عليكم بس بعد ما هو سافر مكنش بيتواصل معايا ولا عرفني سابني ومشي وعمل مشاكل مع أهله لانهم مش موافقين عليا وقالوا اني مدلعه ومش هقبل بوضع ولا عيشه زي دي لان كمان عندهم مواشي ف البيت وزرع ولازم اعمل كل حاجه زيي زي اي واحده

ارفض الخطاب وانتظر من احببت رغم المصاعب

وتواصل صاحبة المشكلة كلامها قائلة وقالوله اني واخده كليه مش هقبل بالوضع دا وسافر هو وسابني وف الوقت دا اتقدملي شخص ربنا كرمه بوظيفه اول ما تقدملي رفضته وبعدها اكتشفت ان الكل بيشكر فيه وف أخلاقه وليه رفضتيه وانا رفضته عشان الشخص ال بحبه وبعد ما رفضته اتقدم حد من بعيد رفضته برضو راحو أهلي قالولي اني لو رفضت البعيد هيوافقوا ع الشخص ال اتقدم قبله ال هو الموظف واديله فرصه لانهم شايفينه مناسب وقولتلهم انا خلاص رفضته مش هيقبل ييجي لواحده رفضته بس هو راح اتقدم تاني عكس ماتوقعت وعاوز ييجي يقعد معايا وع آخر لحظه اتقدم الشخص ال بحبه وهو بيحبني وأهلي مش موافقين بيقولوا لا هتتعبي وانتي مش هتستحملي الوضع بتاعهم وانا متقبله وضعهم وعيشتهم ومش قابله اشوف الشخص التاني عشان عاوزه ال بحبه وقولت لاهلي اني موافقه عليه وبرضو محدش معايا ومش عاوزه اظلم التاني معايا بالله عليكم قولولي رأيكم بدون تجريح وساعدونييييي لاني تعبانه أوووي وقلبي واجعني ...