مأساة فتاة تناولت افطارها في بيت الاسرة وحيدة
يستعد شهر رمضان الكريم الي مغادرتنا وفي بعض نفوسنا أثر منة وتلك هي قصة فتاة تشتكي من افطارها لوحدها في منزل الأسرة وتقول
انا قلبى واجعني اوي والله
انا امى متوفيه وليا اخت متجوزه وانا واخويا عايشين مع ابويا
المهم اول يوم رمضان انا اللي عزمت اختي على الفطار هنا وعملت اكل ليها ولولادها وبعدين اخويا امبارح قالي هفطر بره مع صحابي قولتله ماشى
اتناول الافطار وحيدة
والنهاردة قبل الآذان لقيت ابويا بيكلمني ويقولي انا هفطر بره افطري انتي المهم سمعت الاذان شربت بوء عصير ومعرفتش اكل لوحدي مسكت تيلفوني لقيت بنت اختي منزله صور من بيتهم وصور اخويا وابويا والفطار وكده
محدش فاكرني
وانا محدش افتكرني ولا فكر فيا واختي حتى معزمتنيش واحنا ساكنين اصلا في نفس المنطقه
المهم فضلت اعيط وبصلي التروايح وانا موجوعه اوي لقيت ابويا بيكلمني بيقولي انا هنزل اخرج اختك وعيالها لغايه المعز كده تيجي معانا ولا خليكي كملي صلاة قولتله انا في الجامع لقيته بسرعه قالي خلاص خليكي احسن
بقوله انت ماسبتش فلوس النهارده للفطار قالي صرفي نفسك انتي كلتي لوحدك ايه كنتي عاوزه تطبخي كمان وراح قفل السكه انا موجوعه اوي والله.....؟؟
