التليفون كشف الجوازة السرية لا ابو البنات
السلام عليكم يا استاذ ه من غير اسم لو تكرمتي وكل سنه وانتم طيبين انا عاوز بس افضفض شوية لاني مش لاقي حل
انا رجل عندي ٤٥ سنه طول عمري متغرب متجوز هنا في مصر من ١٧ سنه وعندي بنتين وولد كلهم في التعليم
حصل واتعرفت على واحده في الغربه مصريه من ٥ سنين
وتجوزنا من سنتين بدون علم اهلي علشان طبعا زوجتي اللي في مصر لكن اهل زوجتي الثانيه عارفين وبنزل مصر كل سنه مرتين ودايما بقضي معاهم الاعياد ونصف رمضان يعني مش مقصر معاهم في اي حاجه اطلاقا ولا طبعا حاسين باي شيء من ناحية زواجي التاني لكن اللي حصل ان زوجتي التانيه اتصلت عليا من اسبوع ( انا حاليا في مصر) وزوجتي الاولى ردت عليها بالصدفه وللأسف قالتلها انا مراته لانها كانت فاكره اني مش في البيت والتليفون ضايع لانها اتصلت كتير وانا مكننش سامع وكنت مشغول في حاجه تاني مع ناس ومراتي لما عرفت غضلت تصووووت لدرجه الناس في الشارع اتلمت وافتكروا ان فيه حالة وفاة او كارثه كبيره وفضحتني فضيحه كبيره وغلطت فيا غلط كبير اوي تطاول وميصحش واحده تقوله على جوزها بعد العشرة ديه كلها ووسايبه البيت وعند اهلها والولد والبنت وبنتي الكبيره قاعده معايا وعاوزه تطلق ومصممه وانا اجازتي هتخلص ثالث يوم العيد ومش عارف اعمل معاها ايه وبفكر جديا اطلقها بعد الفضايح اللي فضحتهالي ديه وغلطها فيا لكن مشكلتي زي كل الناس ولادي وخوفي عليهم ومش عارف ايه الغلط الفظيع اللي عملته وهي مش قادرة تغفره ليا حتى علشان خاطر العشرة ديه وانا مستحيل اطلق التانيه ابدا رغم ان مفيش بنا ولاد لكن مش هطلقها ابدا هي ملهاش ذنب وانا معملتش حاجه غلط من الاساس ده شرع الله
