قصة معانة ارملة بعد رحيل زوجها اجبرت علي ان يعمل ابنها الجامعي

انا كنت زوجة وعندي 42سنة مبحبش كلمة ارملة معايا بنت وولدين 20 و18 و9 سنوات كنت عايشة مستقرة الحمد لله وكنت بحب جوزي جدااا وهو الله يرحمه ويغفرله ويرزقه زوجة احسن مني في الجنة اللهم امين كان انسان جميل ومحترم .

. معاناتي اللي باخد رايكم فيها انا طبعا تعبانة من غير زوجي لان سن ولادي خطير عاوز اب قبل الام .. مشكلتي ان المعاش طبعا قليل ففكرت ايهما احسن ان انا اللي اشتغل وده مرفوض بالنسبة لاهلي وبالنسبالي انا كمان لان جالي جلطتين بعد الوفاة ولا انزل ابني يشتغل ويحمي امه من الرجالة لاني بسمع كتير عن طمع الرجالة في الست المطلقة او الارملة المهم

وتضيف الزوجة كلمت حد من زمايل زوجي وجاب لابني شغلانة محترمة ومرتب كويس اها تسيت ااقولكم ان زوجي متوفي من سنة وكان مدلع ولادي جدااا سؤالي انا كده ام انانية اني شغلت ابني واخليه يعتمد علي نفسه هو 18 سنة واولي جامعة .. بجاتب بيضغط عليا انه مش بيذاكر بيقولي مش خلتيني اشتغل اذاكر امتي اتا بكتبلكم بدموع عينيا هو الصح ايه اني احمي نفسي واخلي بالي من البيت وولادي ولا انزل اشتغل وهو يقعد في البيت علي شرط وهو في البيت مبيعملش حاجة غير انه بيعلب علي الفون ..

وزمايل بباه بيقولولي اجمدي علشان هو راجل ولازم يتحمل مسؤلية لانه مسيره يفتح بيت .. لانه بيتعامل زي الاطفال مش تحسوه راجل كده وفعلا الشهريين دول حاسة انه بقا مختلف ويسالني عاوزة حاجة اسفة لو طولت عليكم بس نفسي حد يبرد قلبي لانه صعبان عليا.. اخخليه يقعد واقنع اخواتي اني اشتغل ولا ده القرار الصح انه يقف جنبي ويسندني وشكرا ليكم ..