قصة الاء مكتشفة العلاقة المحرمه بين امها وجوزها

السلام عليكم القصة دي؟ وسائل الإعلام والصحف والمواقع الإخبارية اهتمت بيها عشان فيها فعلا جانب إنساني أو جانب اجتماعي محتاجين نقف قدامه ونقول لصاحبة القصة يا ترى كان معاكي حق في إللي إنت عملتيه؟ وهتعيشى إزاي؟

البداية ورده السؤال المهم هناخد حضراتكم سريعا للقصة نفسها، وإللي شهدت أحداثها محكمة الأسرة في منطقة الوايلي. في محافظة القاهرة، الموضوع كله هيبتدي من عند آلاء، إللي عندها دلوقتي تقريبا ٢٥ سنة إللي كانت بتتكلم مع قاضي محكمة الأسرة، وبتقول له موقف عمرها ما هتتنسى من خيالها، بس قبل الموقف ده كنا محتاجين نسأل ، إنتي ايه إللي جابك، أصلا محكمة الأسرة آلاء بتقول إن حياتها كانت زي أي بنت في أسرة تحت المتوسطة، يعني أبوها مات بعد ما هي جت للدنيا بخمس سنين تقريبا، ومن بعدها أمها ماتجوزتش ، وكمان. مخلفتش غيرها. عشان كده طول العمر ده كانت ظروفهم مش ميسورة الحالة ، اتربت واتعلمت كويس. عشان كده ربنا بعت لها مهندس ميسور الحال وهي خدت شهادة عليا كان ما بينهم تقريبا ٨ سنين ، فرق في العمر وافقت عليه عشان هينقلها الى مستوى أعلى ، كانت مستقرة مع جوزها ومرت السنين وجريت بيهم لتقريبا ٦ سنوات، خلفت منه طفلين، حياتها كانت كويسة.

تحولات مفاجأة فى حياة الاء

لكن اتنقلت نقلة تانية غريبة وتغيرت الأحوال لما شافت جوزها ابتدت أصلا أحواله هي التي تتغير وعاداته واطباعه وابتدت أمها احوالها تبقي غريبة. أمها كانت بتزورها من وقت للتاني وممكن تقعد معاها باليومين والتلاتة كمان، لكن أمها نفسها الست إللي كانت بتقعد قدام جوز بنتها بالحجاب مابقاش موجود وشوية ، بقت تلبس لبس خفيف إللي أكتر من ده كله إللي بقت بنفسها تقف في المطبخ وتطبخ ليهم كلهم، وهي كانت تسمع جوزها بيقول لأمها الله على أكلك. شكت فى الامر بس كانت بتكدب نفسها وبتقول لأ مستحيل ده يحصل. أعوذ بالله من الشيطان الرجيم.

الاء تكتشف علاقة محرمه بين امها وزوجها

لحد ما بعدها بأيام ابتدى الموضوع ينكشف ويبان بالصدفة البحتة. كانت ماسكة تليفون جوزها بتطلع رقم حد معين من عليه وجه الماسيج ماسيج ب علامة قلوب مش متسجل برقم. دخلت على الماسيج. القلوب إللي داخلها جاية من رقم أمها. عشان تتفاجئ إن فيه رسايل ممسوحة زي ما يكون صوره ممسوحة من الشات طب هي الصورة دي فين؟ ما الموبايل بتنزل عليه الصورة وبتتخزن حتى لو إللي قدامنا مسحها ؟ وصلت للصور ولقيتها لقيت أمها لابسة وبتعمل حاجات ما تتخيلهاش؟ زي ما نقول كده، الاء اصبحت مش عارفة تعمل إيه؟ ولا هتتصرف إزاي؟ وده إللي خلاها متجيش جنب جوزها؟

الاء تواجه امها وزوجها بعلاقة اثمه

إبتدت تركز مع امها وجوزها وتأكدت إن الشك إللي كان موجود، صح؟ وعشان كده وجهت أمها وقالت لها هي العلاقة إللي ما بينك وما بين جوزي كعلاقة حمى وجوز بنتها ولا أكتر؟ طبعا الأم نهرتها يعني بمعنى أصح إديتها كلمتين .
الام قالت إنتي بتقوليه ده ما يصحش وعيب، وهعمل فيكي، البنت سكتت وخلت الأم تكمل كل كلامها وكل إللي عندها، وفي النهاية واجهتها بالصور الأم معرفتش ترد. وسابتها ودخلت اوضتها. وهنا البنت رجعت لبيتها. ومش عارفة تعمل إيه؟
الاء واجهت جوزها إللي رد عليها بكل جبروت أيوة حصل ، بس هي إللي عملت كده. وبصراحة هي إللي بتجرنا للسكة دى
الاء طلبت منه الطلاق؟ وقالت هتختفي من حياته نهائيا هو و أمها لكن زوجها رد عليها بمنتهى البساطة وقال مبطلقش وعندك المحاكم وإللي عندك إعمليه. يا ترى تقدري تروحي المحكمة وتقوليلهم إن لقيت في علاقة ما بيني امى وما بين جوزي؟ لو تقدري روحي لو مش هتقدري حطيت إيدك على بقك ونامي مكانك ونقول خلاص إللي فات ما ت أمك متجيش هنا تاني. تخيلوا الجبروت والبنت في اختيار صعب. يا ترى هتقبل تعيش مع جوزها بالشكل ده؟ الاء خدت عيالها و راحت عند أحد قرايبها. وطبعا ما حكتش الموضوع بتفاصيله و سكتت وكتمت في قلبها.

الاء تأخذ حقوقها وتفضل الرحيل

وراحت لأحد المحاميات في منطقة الوايلي وتم تحرير محضر بالقصة ورقم القضية 6535 لسنة 2022 وإللي اتحكم فيها بتطليقها من جوزها. بالإضافة لحقوقها الشرعية والمادية. يعني النفقة لعيالها والمؤخر بتاعها وكل حاجة. لكن الرسالة المهمة يا ترى دلوقتي بعد ما هي اتطلقت وهتاخد حقوقها و تمام؟ هي تقدر تعيش إزاي؟
لا فى اب ولا ام ، ويا ترى هتقول لعيالها ايه لما يكبروا ؟ هتقول سبب الطلاق ايه؟