قتلوه وسحلوه قدام أهله علشان حتة جاتوه
تخيلوا تمن حياة الإنسان بقت قطعة جاتوه؟ أنا مش عايزكم تتخيلوا . الواقع إللي بقينا عايشين فيه، وده إللي هنتفاجئ بيه في قصة أغرب من الخيال لما واحد حياته هيدفعها تمن قطعة جاتوه. إيه إللي حصل؟
وإيه إللي وصل الأمور لقطعة جاتوه؟ ده إللي هنعرفه، محمد طه صاحب محل حلويات بمنطقة أو مركز قلما في محافظة القليوبية ، محمد طه قاعد في أمان الله في المحل بتاعه واحدة جاتله، أنا عايزة حتة جاتوه إداها القطعة وخد منها ال20 جنيه تقريبا، أو ماكملتش ال20 جنيه، و خدت بعضها ورجعت بعديها بشوية رجعت حتة الجاتوه متاكل منها حتتين كده؟ لأ طعمها مش حلو، أنا عايز أرجعها، طب إزاي؟ يعني إنت بعد ما كلتيها حترجعيها؟
محمد قبل إللي هو يرجعها، وتاني يوم حصل نفس الموقف بنفس تفاصيله، لكن المرة دي محمد مقبلش يرجعها مش كل شوية يوم والتاني هتجيلي تاخدي حتة وتاكلي منها وترجعها لي وأديكي فلوس ما أنا خسرتها، إنت لو مش عاجبك المحل من أول مرة مش ح تكرريها إلا لو إنتى بقى في نيتك حاجة تانية، أو عايزة تعملي مشكلة أو بتاكلي أونطة، عشان كده محمد رفض وقال لها معنديش رجوع، ابتدت تعلي صوتها اتكلمي بأسلوب أحسن من كده، أنا مش هرد عليكي راحت. على بيتها. بس مرجعتش بعتت الرجاله ،طلعو من بيوتهم وراحوا على محمد عايزين يتشاكل ومعاه أخوه . وقف وهدى الأمور عايزين إيه؟ استهدوا بالله أنتم بتعملو كده ليه؟ الموضوع ، الناس اتدخلت لمت الموضوع، طبعا أخو محمد قال المحل هيتقفل عشان مش عايزين شيطان ومش عايزين مشاكل وقفلو المحل ومحمد طه رجع على بيته، جه خبط على بيته واحد اسمه محمود الغدار إللي هو من الطرف التاني، دخل محمود الغدار. سلام عليكم يا عم طه، ده والد محمد إللي عنده محل الحلويات، إيه المشكلة؟ أنا داخل أشرب معاك كوباية الشاي ونحل الأمور . إحنا ملناش في قطع الأرزاق، يلا بينا افتح المحل مرة تانية وماتقلقش من حاجة، ومحمد راح فتح المحل ، فتح المحل من هنا ورجعو الكلاب مرة تاني، الأربعة بيجرو على المحل وفي أيديهم السواطير والسكاكين دخلو على محمد ، حاول يبعد عنهم بيحوش عن نفسه . الساطور جه في رقبته. مسك رقبته و بيجري على بيته بيحاول ينقذ نفسه وقفل الباب وراه .
مراته وبناته وأمه وأبوه شافوه وهو بالشكل ده ، محمد بيطلع النفس الأخير ، ومع ذلك دخلوا وراء بيته وخلصوا عليه ، قدام أهله، محمد معدش راجع لكن حقه راجع بإذن الله
