أسما شريف منير عن طليقها: الأب المحترم السند والضهر

عبرت الفنانة أسما شريف منير عن تقديرها واحترامها وحبها لطليقها الأول محمود السكري، ووجهت له رسالة شكر عبر حسابها الرسمي على الانستجرام.

ونشرت أسما صورًا تجمعها بابنتها لارا وطليقها، عبر حسابها بموقع التواصل الاجتماعي انستجرام وعلقت قائلة: 'الأب المحترم، السند والضهر، دي ذكريات بحوشهالك عشان تعرفي قد إيه باباكي راجل وأب حقيقي بمعنى الكلمة، واقف مهتم بكل خطوة كأنه كأس العالم، لازم أديك حقك عشان الناس تتعلم منك يعني ايه انفصال محترم وتحضر ووجود في حياة ولادنا'.

وأضافت: 'ربنا يبارك في عمرك ويخلينا ليها دايماً لعبتي حلو اوي النهاردة حقيقي فخورة بيكي، ربنا يحفظك يا نور عيني'.

أسما شريف منير

فتحت الإعلامية وخبيرة التجميل أسما شريف منير النار على منتقديها بعد الهجوم الذي تعرضت له خلال الفترة الماضية، وذلك بعد أن أثارت الجدل وأصبحت تريند بسبب حلاقة شعرها وظهورها بشكل مختلف وغير مألوف، كما وجهت هجوما منتقديها بسبب اتهامات لها حول الدين، قائلة 'لما طلعتني عن الإسلام أنت كده دكر'.

وقالت أسما شريف منير في بث مباشر عبر حسابها الشخصي بموقع تبادل الصور والفيديوهات انستجرام، هاجمت اخلاله منتقديها: 'اللي بيزعلني أن الناس اللي بتشتم دي أكبر ناس مُدعيين ولو دخلنا عندهم بنلاقي كاتبين لا إله إلا الله وفلسطين الحرة، دول ناس مش حقيقية وكدابة'.

وأضافت: 'الناس مبقاش عندها دم وفي كمية نفاق وكدب وانفصام في الشخصية رهيبة، لو أنت مسلم أو مسيحي الديانتين بينادوا بالاحترام، لما انت تصدر ده للناس متزعلش لما يقولوا علينا همج'.

وتابعت: 'الناس اللي بتشتم دي متعلمتش حاجة هو أنت شايف لما بتشتم حد بتاخد حسنات؟ أنت كده دكر أنت كده محصلتش؟ بتتعلم إيه وبتعلم اللي حواليك إيه؟، ربنا يهديهم وأنا ولا بفكر في الناس دي'.

واستكلمت: 'المفروض تقوله ده الدين حلو أوي وافتح نفسه على الدين، لو أنت شايف إني مش مسلمة وطلعتني من الديانة، هل علشان أدخل تاني الإسلام شايف أن دي الطريقة اللي تدخلني بيها تاني؟ يا جماعة والله العظيم ما ينفع اللي بيحصل ده، والله في ناس مافيش فيها فايدة وموجودين علشان نتعلم أن منبقاش زيهم، أنا مش زعلانة إنهم بيشتموني أبدًا ومحصنة نفسي منهم، اللي مزعلني أن في ناس فعلًا بيصدقوا نفسهم لدرجة الجنان وشايفين أنهم صح'.

وأضافت: 'أنا مش شيخة أنا إنسانة نفسي اتعامل مع بني آدمين طيبين، والدين أخلاق سواء إسلامي أو مسيحي، واللي الناس بتعمله ده مش منطقي، لازم نتعلم منبقاش همج ونعمل اللي دينا قال عليه باللي نقدر عليه، أنا مش محجبة وبغلط في حاجات، واللي بيحصل ده لازم يعلمنا حاجة، بلاش إدعاء وتوكلوا نفسكم إنكم تربوا الناس، ظبط نفسك الأول وشوف الطريقة اللي المفروض تكلم بيها الناس ولو عايز تساعد في هداية حد تتكلم إزاي'.