تفاصيل خلافات حمو بيكا وعمر كمال علي الهواء
قال مطرب المهرجانات عمر كمال عن علاقته مع مغني المهرجانات حمو بيكا انها مقطوعة حالياً، وقال خلال اتصال هاتفي مع برنامج "الحكاية" الذي يقدّمه الإعلامي عمرو أديب على شاشة «mbc مصر»: "أنا ماشي بمبدأ صباح الخير يا جاري إنت في حالك وأنا في حالي، خناقتي مع حمو بيكا نهائية كفاية بقى بهدلة". وأضاف: "حمو بيكا على طول بيقل مني وبيطلع يعمل حاجات عني مش لذيذة، والنبي بيقول إن المسلم مش بيلدغ مرتين من جحر"
وحول تفاصيل وكواليس أوبريت "ست عظيمة" بمناسبة عيد الأم، قال عمر كمال: "حبيت أشارك في المناسبة دي وأعمل حاجة حلوة ومحترمة، والأغنية فكرة أخ كبير ومعايا شيماء أختي أصغر مني ومعايا محمد أسامة كان له تجربة قبل كدة وهي "الغزالة رايقة" اللي نجحت جداً".
ولفت إلى أن الأغنية من كلمات وألحان عمرو قطب، وتوزيع عمرو خضري، ومن إنتاجه، موضحاً: "كل واحد فينا بيكلم عن أمنا والتجربة معاها، والحمد لله الأغنية تريند رقم واحد على يوتيوب وجايبة 2 مليون مشاهدة في أول يوم".
وأفاد عمر كمال بأنه موجود حالياً في جزيرة مالطا لإحياء حفل غنائي هناك، كما سيقيم حفلاً غنائياً في السويد في 25 (مارس) الجاري، وآخر في باريس في 26 من الشهر نفسه، قائلاً: "عبدالباسط حمودة باعتلي فويس إمبارح بيقولي خليك حلو واظبط الدنيا لما تيجي فقولتله عيني يا عم عبدالباسط".
وكشف عمر كمال أنه سيطرح أغنية مع حلول شهر رمضان المبارك، قائلاً: "أنا عامل أشكال كتيرة، مش كله مهرجانات وشعبي".
وكان مطرب المهرجانات حمو بيكا قد شن في وقت سابق هجوما علي عمر كمال من خلال فيديو تم بثه علي صفحتة وقال خلالة انه اتصل بعمر كمال اكثر من مرة وانة لم يرد علية
واضاف بيكا خلال فيديوله كوجها كلامة لعمر كمال قائلا -
وعايز أقولك وريني هتنجح بنفسك ازاي ومتخليش حد ينجحك وعايز أشوف مهاراتك، واشوف شغلك، وعايزك لما تقابلني في حته السلام بتاع ربنا متقولهوش، عشان كل الناس عارفة أنت أيه، وكل الناس برا أو جوا المجال عارفين أنت أيه".
وتابع حمو بيكا: "يا خسارة العيش والملح اللي اكلتوا معاك، أنتوا ميمشيش معاكوا الإنسان الطيب، ومتفكرش لما تنشر الأغنية دي أنها هتروح، أنا ممكن أخش امسحها دلوقتي ولا يهمني.. يا صاحب مزيف"
