صبي يهتك عرض طالبة وتحمل منه سفاحًا بالقاهرة

استغل أحد الصبية صغر سن فتاة لم تبلغ سن الثامنة عشر بعد، وأغواها باسم الحب، ونجح في أن يوقعها في شباكه، واصطحبها إلى منزله بمنطقة 15 مايو بالقاهرة، وهتك عرضها حتى حملت منه في طفل سفاح، الأمر الذي دعا والدة الطفل إلى تحرير محضر فألقي القبض عليه وتم إحالته إلى جهات التحقيق، التي قررت حبسه على ذمة القضية.

صبي يهتك عرض طالبة وتحمل منه سفاحًا بالقاهرة.. ووالدتها: أقام معاها علاقة 6 مرات بدون علمنا

حصل موقع حوادث اليوم على نص التحقيقات في القضية، والتي اشتملت على أقوال والدة المجني عليها، وجاءت كالآتي:

اللي حصل إن يوم 17 أغسطس 2023، بنتي تعبت فخدتها وروحت أكشف عليها عند دكتور باطنة عشان هي كانت بترجع والدكتور قالنا إن هي لازم تعمل إشاعة، ولما عملت الإشاعة الدكتور قالنا إنها حامل في الشهر الثالث فأنا اتخضيت من الكلام ده ومشينا من عند الدكتور وأنا خدت الموضوع بهدوء وسألتها عن الكلام ده وهي اتكلمت معايا بصراحة وقالتلي إنها على علاقة عاطفية مع المتهم أ. ح، من فترة وهو عاشرها معاشرة الأزواج أكثر من مرة وقام بفض غشاء بكارتها وهو اللي خلاها حامل وهي قالتلي برضوا إن عاشرها معاشرة الأزواج حوالي 6 مرات والكلام ده كله كان بيحصل في بيت المتهم.

وأضافت والدة المجني عليها في التحقيقات: أنا لما عرفت الكلام ده في نفس اليوم روحت على القسم وبلغت عشان أضمن حق بنتي، وهما في القسم جابوا المتهم واعترف باللي حصل، وجينا على النيابة واتصالحنا عشان ما نضيعش مستقبل الولد، وبعد ما مشينا من النيابة بدأ المتهم وأهله يهددونا لدرجة إن المتهم، أخد بنتي للدكتور وفهمها إنه هيكشف عليها، وكان متفق معاه إنه يسقطها ولما بنتي اكتشفت الكلام ده جريت منهم وده اللي خلانا نقدم الطلب وتفتح المحضر من ثاني وأنا بتهمه بمعاشرة بنتي العاشرة الأزواج وفض غشاء بكارتها وجعلها حامل.