سيدة تستغيث من سائق ديدي: هددني يدخل بيا في الشجرة وشتمني وبنتي اتفزعت
لا تزال حوادث شركات خدمات التوصيل تثير جدلًا واسعًا بين المواطنين، وخاصة السيدات، آخرها تعرض سيدة لواقعة مسيئة من قبل أحد سائقي شركة ديدي لخدمات التوصيل، زاعمة بتهديده لها ولصغيرتها خلال رحلتهما.
سيدة تشكو من سوء معاملة سائق ديدي
وقالت بسنت : ركبت مع سواق النهاردة تبع شركة ديدي، كنت رايحة عزبة النخل وطلبته وبعد ما عمل قبول للرحلة واتحركنا من النزهة الجديدة، ولقيته بيقولي كويس والله أنا كنت مروح وقلت كويس في طريقي وأنا معلقتش.
وأضافت بسنت: بعد ما تحركنا راح قالي إيه دا الـgbs عايز يمشينا غلط قلتله لا إحنا ماشيين صح.. قالي مش إنتي رايحة رمسيس قلتله لا.. بص في اللوكيشن كويس قالي إيه ده أنا افتكرتك رايحة رمسيس وقبلت الطلب على أساس كده عشان أنا ساكن في الظاهر فقلت له في طريقي وأنا مروح.
وتابعت: قلت له لو في مشكلة أنزل وتكنسل الرحلة قالي لا هوديكي تمام، فضل كل شويه يتكلم ويبصلي في المرايا ويقولي امشي ازاي ويضحك، وأنا أقوله أنا مش عارفة الطريق بس اللوكيشن مضبوط، امشي عليه.
واستكملت بسنت: وصلنا قبل اللوكيشن بكيلو متر، وقالي ممكن تنزلي قلت له لسه فاضل كيلو هنزل ليه هنا اتعصب عليا وخبط على الدريكسيون، ولما اتحرك وصلنا عند الشارع اللي هنزل فيه، وصلني وأنا هنزل في آخر الشارع لكنه فجأة وقف، وقالي مش هتحرك خطوة.. قلت له بكل احترام معلش أنا عارفه إن المطبات صعبة بس معايا طفلة ونايمة وشنط كتير ومش هقدر أمشى بيهم.
وبعد هذه المشادات الكلامية تتفاجأ هذه السيدة، قائلة: زعق فيا جامد واتكلم بعصبية زائدة عن اللزوم، وقال لي: بقولك انزلي أنا تعبت ومش همشي.. ومن كتر ما قعد يزعق ويخبط في العربية البنت صحيت واتخضيت وفضلت تعيط.
وأكدت السيدة بسنت محاولات تهديد السائق لها، قائلة: قال لي لو منزلتيش من العربية هدخل بيكي في شجرة إنتي وبنتك.. اخلصي هتنزلي إنتي وبنتك ولا أنزلك أنا بالعافية، ولما لقيته بيشتم طلعت الموبايل وصورته ولما شافني بصور راح عدل لسانه، أنا مش هسكت أنا وبنتي كنا في خطر وهاخد ضده كل الإجراءات القانونية.
