حماتي قلّعتني قميص النوم ببلطجية قدام زوجي.. ماذا حدث في الهرم؟
أحال المستشار عمرو غراب، المحامي العام الأول لنيابة أكتوبر الكلية، زوجًا ووالدته إلى محكمة الجنايات لاتهامهما بإسقاط زوجته الحامل عمدًا وضربها من خلال الاستعانة بـ 10 من البلطجية بمنطقة اللبيني - هرم.
أقوال الزوجة الضحية
س/ ما سبب ومناسبة تواجدك بذات المكان والزمان في بيان ؟
ج / عشان دى شقتى اللى أنا عايشة فيها
س / ما هو مضمون الحوار الذى دار حال حدوث تلك الواقعة تحديدا ؟
ج / أنا كنت جالسة فى المنزل وفوجئت بباب الشقة إتكسر و دخلوا عليا أوضة النوم وأول حاجة جوزى وواحد تانی شدوني من شعری و جسمی ولما مسكت بنتي جوزى قال لبلطجي فيهم سيبوها
و جرجروها على الأرض فأنا خفت على بنتى وإديتها لواحد فيهم وهما بيضربونی وهيجرجرونى برة البيت ووالدته قالت للبلطجية قلعوها هدومها وقطعوا قميص النوم اللى كنت لابساه وبعد كدة قالت لجوزى إطلع إنت بره وسمع كلامها وطلع بره الأوضة وبعدها والدته قالت للبلطجية يلا إعملوا فيها اللى إنتوا عايزينه وقعدوا يتحرشوا بيا وضربونى فى بطني وجسمي كله وجوزي بعد شوية قالهم إسحلوها وإرموها بره البيت فجرجرونى على الأرض والسلالم لحد ما رمونى برة البيت وأنا كل شوية كنت بصوت وخايفة.
نص أمر الإحالة
جاء بأمر الإحالة أن المتهم الأول ووالدته أسقطا - وآخرين مجهولين - عمدا امرأة حبلى، وكان ذلك بأن تعدى عليها 10 بلطجية بالضرب بعدة مواضع بجسدها حال كونهم على علم بأمر حملها، فأحدثوا ما بها من الإصابات الموصوفة بالتقارير الطبية المرفقة مستخدمين في ذلك عصيان خشبية ثقيلة.
