حاول يشد هدومي.. ننشر أقوال فتاة الهرم بعد محاولة عمها التعدي عليها

نواصل بنشر التحقيقات في القضية رقم 17526 لسنة 2024 جنح الهرم، المتهم فيها شخص بمحاولة اغتصاب ابنة شقيقه، مستغلا غياب زوجته عن المنزل ومحاولا التعدي عليها داخل غرفتها بمنطقة الهرم.

واقعة اغتصاب الهرم

س: متى وأين حدثت الواقعة؟
ج: الموضوع ده حصل أكتر من مرة في كذا يوم مش فاكرة تواريخهم، بس كان من أواخر شهر 3 سنة 2024 لحد أول شهر 4 سنة 2024، في بيت عمي في منشأة البكاري، دائرة الهرم.

س: ما سبب وجودك بالمكان والزمان سالفي الذكر؟
ج لأن أنا أبويا اتحبس في شهر 11 سنة 2023 ومن ساعتها كنت قاعدة في بيت أخويا من أمي ومراته، بس في شهر 2 سنة 2024 عمي إسلام كلمني هو ومراته وقال لي آجي أسكن عنده في بيته شوية، فرحت قعدت عنده وفضلت بقى من ساعتها عنده لحد ما عملت المحضر.

س: ما طبيعة علاقتك بالمتهم إسلام.ع.ا.ع؟
ج: ده عمي أخو أبويا.

س: أين كنت تقيمين عقب ضبط وحبس والدك؟
ج: في الأول أنا كنت عايشة عند أخويا لأمي هيثم.أ.ع.اـ في شارع أورمان الأسفلت المفترع من شارع مصنع الكراسي، دايرة الهرم.

س: ما سبب انتقالك للإقامة لدى المتهم؟
ج: هو أعمامي كانوا كتير بيكلموني يقولوا لي أنهم في مقام أبويا وإن هم أولى إني أعيش معاه ومنهم إسلام بس ده كان أكتر واحد عرض عليا إني آجي أعيش في بيته وأنا اتلككت أكثر من مرة إني أروح بس لحد ما قلت أروح أعيش معاه هو ومراته فعلًا لأحسن يزعلوا.

س: من كان يقيم برفقتك أيضا في مسكن المتهم؟
ج: كانت معانا مرات إسلام واسمها حنان، وكمان أولادهم حمزة وده عنده تقریبا 10 سنين وعمر وده عنده 3 سنين.

س: ما عدد غرف النوم بذلك المسكن؟
ج: هم أوضتين.

س: ما توزيع غرف النوم بالنسبة للمقيمين في المسكن؟
ج: أنا كنت بنام في أوضة وإسلام وحنان بيناموا في الأوضة التانية أما الأطفال فساعات يناموا في أوضتي وساعات يناموا في أوضة باباهم.

س: متى حدثت أول واقعة لتعدي المتهم عليك؟
ج: مش فاكرة بس كان يوم في نص رمضان وآخر شهر 4 تقريبًا.

س: ما كيفية ارتكاب المتهم للواقعة الأولى؟
ج: هو أنا فجاة لقيته بيصحيني وأنا نايمة على السرير وكانت مراته حنان مش موجودة وأولاده نايمين في أوضته ولقيته مدد على السرير جنبي وفجأة اتعدى عليا.

س: ما الأفعال التي قام المتهم بها حال تعديه عليكي في تلك الواقعة؟
ج: هو كان بيحاول يشد هدومي عشان يقلعني.

س: هل قام المتهم بالعري من ملابسه آنذاك؟
ج لا.

س: هل قام المتهم بحسر ملابسك عنك آنذاك؟
ج: لا هو كان بيحاول بس معرفش.

س: هل حدثت علاقة جنسية كاملة بينكما آنذاك؟
ج: لا محصلش ساعتها حاجة.

س: هل حاولت الاستغاثة آنذاك؟
ج: أنا كنت عايزة أصوت وأصرخ بس هو كان حاطط إيده على بوقي.

س: هل حاولت المقاومة؟
ج: أيوة.

س: ما مظاهر تلك المقاومة؟
ج: أنا فضلت أزقه وأبعده عني.

س: ما الذي بدر من المتهم آنذاك؟
ج: هو راح جاب من على الكومودينو مطواة ورفعها عليا وأنا حاولت أشدها منه بس المطواة عورتني.

س: أين كان ذلك الجرح بالتحديد؟
ج: في صباع الإبهام في إيدي الشمال.

س: ما الذي حدث عقب ذلك؟
ج: ساعتها هو سابني وخرج وشوية ومراته جات.

س: هل أخبرت المدعوة حنان محمد بما بدر من المتهم؟
ج: لا.