النص الكامل للتحقيق في جريمة مقتل منجد دفع حياته ثمنا لعلاقة غرامية مع خطيبته السابقة

أسدلت محكمة جنايات القاهرة الستار على محاكمة المتهم بقتل منجد بسبب علاقة غير شرعية بخطيبته السابقة، حيث قضت المحكمة بإعدام المتهم.

وأمام النيابة العامة أدلى المتهم "سيد.س" باعترافات تفصيلية.. جاء فيها:

س: ما تفصيلات اعترافك؟

ج: اللى حصل إن مراتى قبل ما اتجوزها كانت مخطوبة لأيمن عابد، وده شغال منجد في المعادي، وكان بيحاول يرجع لها، ولما كانت مراتى بتروح عند أهلها كان بيحاول التواصل معاها، ومرة من 5 شهور حصل خناقة بينى وبينها وكانت قاعدة عند أهلها، فلقيت بنتى جات قالت لي إن بنت أخت المجنى عليه بتتواصل مع مراتى وبتقول كلام مش كويس عليا، وبتقول لها: أخيرا هتطلقى ومراتي معندهاش "واتس آب" على الموبايل، وفى الفترة اللى كانت قاعدة عند أهلها لقيت إن الواتس بتاعها اتفتح، وأنا عارف إن الواتس بتاعها مش بيفتح غير لما تحط الشريحة بتاعتها فى موبايل ابنى، لما رجع ابنى سيف فتحت تليفونه علشان كنت حاسس إن هى ممكن تكون بتتواصل مع أيمن عابد المنجد.

س: وماذا حدث بعد ذلك؟

ج: فتحت “الواتس آب” ملقيتش حاجة، لكن لقيت رسايل نصية بإن رقم أيمن حاول الاتصال 5 مرات بيها، فقلت هم أكيد بيتكلموا وشكيت إن هى ممكن تكون بتقابله لأن من آخر مرة وهى ماسكة إنها تطلق ورفعت عليا قضية خلع، وده أكد لى إنها عاوزة تتخلص منى فابتديت أراقبها علشان أتأكد من الكلام ده، وفعلا اتأكدت إنها بتقابله وإن فيه بينهم علاقة فرُحت واجهتها، ونفت الكلام ده وقالت إن مفيش بينهم أي تواصل، فقررت أتكلم مع أيمن وأتفاهم معاه لإن كده بيخرب لي بيتي، ولما رفض يحل معايا أوهمته إني هطلقها وطلبت ييجي يعمل لي تنجيد في البيت بتاعي، وأول ما وصل ضربته بخشبة ولما اتأكدت إنه مات قطعته وعبيته في أكياس ورميتها في بيت مهجور.

نص تقرير الطب الشرعي لجثمان المجني عليه

وكشف تقرير الصفة التشريحية لجثمان المجنى عليه أيمن عابد أن الجثة لذكر، ومقطعة إلى أجزاء منفصلة وموضوعة فى أكياس بلاستيكية، وتبين أنها منفصلة عن بعضها، وكانت عبارة عن الرأس - أجزاء من العنق متصلة بالجزع - الطرفين العلويين، عضدين، ساعدين، يدين، فخذين، طرفيين سفليين، ساقين وقدمين.

وأضاف تقرير الطب الشرعي أن الجروح الانفصالية المصاحبة لتلك الأجزاء الآدمية غير حيوية مما يشير إلى حدوث ذلك بعد الوفاة مثل التصوير الوارد على لسان المتهم، ولا يوجد ما يمنع من جواز حصول تقطيع الجثمان بالمطواة.

تقرير الصفة التشريحية

وأضاف تقرير الصفة التشريحية أن الإصابات الظاهرة من الكشف الظاهرى بالعنق والصدر والظهر والبطن هى إصابات حيوية ذات طبيعة طعنية قطعية حدثت من أداة أو أدوات حادة أيا كان نوعها وجميعها جائزة الحدوث بالسلاح الأبيض المرسل أو ما فى حكمه، وتعزى الوفاة إلى الإصابات القطعية الغائرة ويسار العنق، وكذا الإصابتان الطعنيتان فى المنتصف يمين الظهر، وكذا الإصابتان المعنيتان بأعلى يمين مقدم الصدر وأعلى يسار البطن، وما أحدثتها جميعا من قطوع للأوعية الدموية الرئيسية بالعنق وقطوع حادة بالرئتين اليسرى واليمنى ونزيف دموي غزير انتهى بالوفاة.