أقوال فتاة الهرم المعتدى عليها من عمها: عمي اتخانق معايا عشان مقولش إنه اتعدى عليا

ننشر التحقيقات في القضية رقم 17526 لسنة 2024 جنح الهرم، المتهم فيها شخص بمحاولة اغتصاب ابنة شقيقه، مستغلا غياب زوجته عن المنزل محاولا الاعتداء عليها داخل غرفتها بمنطقة الهرم.

واقعة اغتصاب الهرم

وجاءت أقوال فتاة الهرم التعدي عليها من عمها في التحقيقات كالتالي:

س: ما عدد المرات التي قام المتهم فيها بمواقعتك ؟

ج: كتير مش فاكرة قد ايه بس كل مرة كانت مراته بتنزل تشتري حاجة كان بيحاول يعتدي عليا غصب عني ولو مراته طولت برا في يوم ممكن يعتدي عليا أكثر من مرة.

س: متى كانت المرة الأخيرة التي قام فيها المتهم بمواقعك ؟
ج: الكلام ده في أول شهر 4 سنة 2024 مش فاكرة اليوم بالظبط.

س: هل امتنعت أيضا طوال تلك المدة عن إبلاغ أحد أقرباءك أو ذويك ؟
ج: أنا عارفة إن محدش كان هيصدقني من غير ما يبقى معايا دليل وفعلا قدرت أجيب الدليل ده.

س: ما هو ذلك الدليل ؟
ج: في مرة إسلام قال لي تعالي عايزك وخلاني أدخله أوضته بس المرة دي أنا كنت فاتحة تسجيل الموبايل عشان أسجل اللي بيحصل واللي بيتقال وكان ابنه الطفل نايم جنبه فلما كان عايز يعتدي عليا وأنا بدات أقاومه ثاني فإبنه بدأ يتحرك ويصحى فإسلام سابني أمشي.

س: ما الذي فعلتيه بذلك التسجيل الصوتي ؟
ج: أنا بعته لأختي من أمي صابرين.أ.ع.ا، على الواتساب وعرفتها على كل حاجة.

س: ما الذي بدر من أختك سالفة الذكر آنذاك ؟
ج: هي اليوم اللي بعدها اتصلت بيا على الموبايل تفهم مني اللي حصل وكان حظي ساعتها لقيت إسلام دخل عليا فأنا سيبت الموبايل وهو مفتوح وهو مكانش عارف إن صابرين سامعاه وهو بيحاول أنه يعتدي عليا بس هو معرفش لإن الباب كان مفتوح وكان ولاده برا، فأنا كملت كلام مع صابرين وسألتها هي سمعت اللي كان بيحصل فقالتلي اه وبعدها إسلام دخل ثاني فأنا اديته الموبايل وقلتله يكلم صابرين، فصابرين قالت له أنه يرجعني عند أخويا هيثم حالًا وأنها سمعت اللي كان بيحاول يعمله.

س: ما الذي بدر من المتهم آنذاك ؟
ج: هو انكر طبعا وقعد يشتمها ويتخانق معايا وبعدين قعد معايا ويتحايل عليا إني مقولش حاجة من اللي حصلت بيننا لحد وبعدين اتصل بمراته حنان خلاها تيجي البيت ونزلوا بيا وراحوا بيت أخويا هيثم.

س: ما الذي حدث في مسكن أخيك ؟
ج: أنا قلت كل حاجة وإسلام انكر وقال أني كذابة فأنا طلعت موبايلي وشغلت التسجيل اللي سجلتهوله فراح واخد موبايلي وكسره لانه كان فاكر أن التسجيل ده كان على موبايلي بس، وبعدين جالنا على هناك كمان عمي وابن عمتي وسمعوا كل حاجة مني وبعدين إسلام ومراته مشيوا وعمي أحمد قال لي أجي معاه ونروح عند عمتي مديحة وهناك هبقى في امان.
س: هل ذهبت إلى مسكن عمتك ؟
ج: أيوة.

س: ما الذي حدث عقب ذلك ؟
ج: أنا ساعتها رحت فعلًا عند عمتي لقيت إسلام هو وحنان جم وضربوني بس عمتي دافعت عني بصراحة ويومها بليل اتصلت بالنجدة وحكيت لهم كل اللي حصل.

س: أين يوجد المقطع الصوتي الذي قمتى بتسجيله للمتهم ؟
ج: هو كان على موبايلي بس إسلام كسر موبايلي لكن هو مع صابرين أختي ممكن جيبه منها وأقدمه لحضرتك.
س: هل ترغبين في العرض على مصلحة الطب الشرعي لتوقيع الكشف الطبي عليك ؟
ج: ايوة
س: هل تتهمين المدعو إسلام عبد الفتاح بأية اتهام ؟
ج: أيوة انا بتهمه باغتصابي.
س: هل لديك أقوال أخرى؟
ج: لا.