اعترافات سائق توكتوك اغتصب فتاة بجانب مقابر البساتين
كشفت التحقيقات في واقعة العثور على جثة بمنطقة البساتين بالقاهرة، ملقاة بجانب الطريق بالمنطقة الصناعية، تعرضها للاغتصاب على يد سائق توك توك في أثناء توصيله لها، خلال شهر أغسطس الماضي.
اعترافات سائق توكتوك اغتصب فتاة بجانب مقابر البساتين
وألقت الشرطة القبض على سائق التوك توك المتهم بالواقعة، واعترف بارتكاب الواقعة وتم عرضه على النيابة العامة للتحقيق معه.
وجاءت أقوال سائق التوك توك أمام جهات التحقيق المختصة: اللي حصل إنني شغال على توكتوك، وكان معايا زبون جايبه من منطقة البساتين وبعدما نزلته شفت المجني عليها قاعدة عند موقف تكاتك في الشارع.
وتابع سائق التوك توك: حاستها تعبانة فنزلتلها وسألتها إنتي قاعدة كده ليه؟ مكانتش قادرة تتكلم، فسألتها إنتي ساكنة فين؟ وبعد ما قالتلي عنوانها قلتلها طب تعالي معايا أنا هوصلك فقالتلي لا أنا معيش فلوس، فقلتلها مش مهم، وسندتها وركبتها معايا التوكتوك ورا، وخدتها معايا ومشيت معاها في الطريق عشان توصفلي العنوان.
وأكمل: وإحنا في الطريق لقيتها تعبانة فطلعت على شارع تاني عشان أوديها مستشفى وقلتلها إنتي شكلك تعبانة أنا هوديكي المستشفى، قالتلي لا مستشفيات لا، أنا بس واخدة أقراص بتاعت أعصاب فمخلياني مهبطة شوية، وساعتها الشيطان لعب في دماغي إني آخدها في حتة فاضية عشان أعمل علاقة معاها.
وأضاف سائق التوك توك: دخلت ناحية منطقة مصانع، بس كان فيه ناس رايحة جاية وخوفت حد يشوفنا، فمشيت وطلعت على مكان تاني، بس برضو لقيت كذا حد هناك فمشيت وطلعت ناحية ترب اليهود، وهناك كنت لسه بدور على حتة فاضية، قابلت ناس راكبين توكتوك فقالولي إنت بتعمل ايه هنا؟ قلتلهم أنا ماشي.
وواصل: بعدها رجعت تاني قعدت أدور على شارع فاضي، لحد ما لقيت شارع فاضي وضلمة جنب الورش فوقفت فيه على جنب، ونزلت وقلتلها اعدلي نفسك، راحت نايمة على الكنبة اللي ورا وعملت معاها علاقة والموضوع قعد حوالي خمس دقايق.
واختتم سائق التوك توك المتهم: لما خدت منها اللي أنا عاوزه مسكتها من إيديها عشان أنزلها قالتلي متنزلنيش، بس أنا نزلتها فقعدت على الأرض، فسبيتها قاعدة مكانها ومشيت في طريقي عادي، وعرفت بعدها إنها ماتت واتقبض عليا.
