أنا خالك عادي.. تصريحات صادمة لفتاة اعتدى عليها خالها بمدينة نصر

شهدت مدينة نصر واقعة مأساوية، تجردت منها كل المشاعر الإنسانية، وذلك بعد اعتداء عامل على ابنة شقيقته التي تبلغ من العمر 17 عاما، وذلك بعد تهديدها بطردها هي ووالدتها من منزله بمدينة نصر.

اعترافات المجني عليها

نص التحقيقات في واقعة تعرض فتاة للتحرش بمدينة نصر، والذي حمل رقم 13816 لسنة 2024 جنح برقم حصر 1186 لسنة 2024، حيث جاءت أقوال المجني عليها كتالي: "اللي حصل؛ إن أبويا اتسجن السنة اللي فاتت، واحنا كنا عايشين في المنوفية، وبعدها أمي خدتني ونزلنا نعيش في القاهرة عند جدتي وخالي في مدينة نصر".

فتاة تتعرض للتحرش على يد خالها

وأكملت المجني عليها: "وفي الأول كنا عايشين بصورة طبيعية وكل حاجة كانت تمام، ومكنش في أي مشكلة، وبعد اقامتي بحوالي شهرين ابتدى خالي يعتدي عليا، وأول مره جه عند سريري وأنا نايمة في السرير ولقيت خالي أيمن نام جمبي ولازق فيا جامد، فقولتله أنت نايم جمبي ليه، قالي عادي مفيش حاجة، وبعدها ابتدى يعتدي عليا ويلمس أماكن حساسة، وبعدها ممارسة معايا العلاقة، وقلتله أنت بتعمل كده ليه، قالي أنا خالك عادي مفيش حاجة، وأنا خفت أقول لماما ساعتها، عشان كنت خايفة يعمل فيا حاجها أو أتفضح".

وتابعت المجني عليها أمام رجال التحقيق: "وفضل خالي يعمل معايا الحركات ديه كل مرة، وفي أيام مختلفة، وأنا بعدها روحت قولت لأمي أننا نمشي من البيت، ونروح بيت تاني، وكنت بقولها عشان المصاريف وإن خالو مش بيجيب أكل كفاية وبيعاملنا وحش، بس هي كانت بترفض وتقول لا أحنا أبوكي ساينا عنده أمانة ومينفعش نمشي، وكنت بخاف أقول الحقيقة، أن أنا عايزه أمشي عشان خالي بيعتدي عليا، بيعمل الحاجات ديه".