أقوال والدة المجني عليه في جريمة المرج: اديته يدفع الإيجار قبل ما يتقتل
نواصل بنشر التحقيقات في قضية مقتل الشاب محمد صوان، على يد صديقه بواسطة سلاح خرطوش، ولم يكتف المتهم بذلك، فقام المتهم بمعاونة والده في الدلوف إلى الدور الأرضي محل العقار ودفن المجني عليه داخله ووضع طبقة عازلة على جثمان المجني عليه لمنع انبعاث الرائحة، لكن كانت هناك بقعة دماء على السجادة هي التي أوصلت رجال الأمن لفك لغز القضية قبل أن يتم إلقاء القبض على المتهمين.
أقوال والدة المجني عليه محمد صوان في جريمة المرج
واستدعى رجال التحقيق، سهير. س 44 سنة، وتعمل مدير مكتب حفالات بصفتها والدة المجني عليه محمد صوان، وبسؤالها حول ما هي علاقتها بالمجني عليه؟ أجابت: هو ابني
س: ما هي بيانات المتوفي تحديدا ؟
ج: هو اسمه محمد مصطفى صوان عنده 20 سنة، وبيشتغل معايا في المكتب ومقيم بالمرج.
س: وما هي سلوكياته؟
ج: هو 21 سنة وبيلعب جيم وشاطر في دراسته وولد الناس كلها بتحبه ومش بيشرب سجابر ولا اي حاجة وعمره مجبلنا مشكلة.
س: كيف نمي الى علمك سبب وكيفية حدوث وفاة نجلك محمد مصطفى صوان؟
ج: اناعرفت من المباحث بعد بلاغ التغيب اللي انا عملته.
س: وما هي تفصيلات بلاغك؟
ج: اللي حصل أن يوم السبت 17 أغسطس 2024 محمد ابني كان معايا في الشغل، بتاعي وعلى حوالي الساعة 7:30 المغرب روحت اديته 2300 جنية عشان يروح يدفع ايجار شقه احنا وخدينها في الحلمية وبالفعل خد الفلوس مني وبعديها قالي هروح البيت يغير ويطلع على الحلمية.
وأكملت والدة المجني عليه: وبعد كده كلمني على حوالي الساعة 9 بليل وقالي اني اديت الناس ايجار الشقة وانا كلمت الناس اللي مأجريلنا اتأكدت منهم أن هما اخدوا الفلوس منه وبعد كده قالي ان هطلع على المرح اقعد مع صحابي وقالي انه هيبقا جمب بيت اختي في المرج قولتله ماشي وبعدها بساعين كلمته عشان اطمن عليه لقيت موبايله اتقفل وانا متعودة ان ممكن يفصل شحن منه عشان بطارية الموبايل بتاعه مش كويسه.
وأردفت والدة المجني عليه: لحد لما اكتشفت تاني يوم انه مش موجود في الشقة ومباتش فيها فروحت المرج ادور عليه هناك عند اختى وقالتلي انه كان تحت البيت ومشي فروحت عند سوبر ماركت في اول شارع بيت اختي عشان اشوف الكاميرات وبالفعل ظهر في الكاميرات وهو لابس بنطلون اسود وتيشيرت اسودكات وتحتيه تيشيرت ابيض نص كم ودخل بلوك كده حسب البيت عند اختي وبعديها اختفي من الكاميرات في الشارع اللي بيطلع من الشارع اللي فيه الكاميرات ومنعرفش دخل فين.
وأشار المجني عليه: واختفي فروحنا سألنا في الشارع ده محدش دلنا برده عليه فروحنا عملنا محضر تغيب في القسم وبعد كده اتبلغنا النهاردة من القسم 22 أغسطس 2024 الساعة 4:00 صباحًا ان ابني متوفي واتقتل في بيت واندفن فيه حوالين المنطقة بتاعت بيت اختي وده كل اللي اعرفه وكل اللي حصل.
