فيفي عبدة انا فاتحة بيوت 150 راجل وسندي ربنا

تحدثت الفنانة فيفي عبده الي برنامج العرافة وقالت ، إن الله منحها نعما كثيرة مثل حب الناس والنجاح والشهرة، مؤكدة أنها لا تزال تحاول الحفاظ على مستواها، ودائما تدعي الله وتقول "إديني الصحة والعمر، وأكمل مع ولادي وجمهوري اللي بحبه، لأن جمهوري عيلتي".

وأضافت فيفي عبده، في حوارها مع الإعلامية بسمة وهبة مقدمة برنامج "العرافة"، على قناة المحور المصرية: "أنا مش قوية خالص، أنا باخد القوة لأن طول عمري بشتغل مع رجالة ورايا، عندي 150 موسيقي بيشتغلوا معايا، يعني 150 بيت أنا فاتحاهم، لو ضحكت لهم يستهتروا ولو إديتهم الوش البلاستيك خلاص".

وتابعت: "بتسند على ربنا ومعنديش حاجة تانية، وبتسند على دعاء الأم وحب الناس، وده اللي بعتبره الكنز، الناس بتدعي لي من غير ما أعرف مين دول، وممكن أتسند على الراجل لأنه عمود البيت، الراجل الحنون اللي يعرف قيمة الست".

الفنانة فيفي عبدة

وسألتها الإعلامية بسمة وهبة، وقالت: "في زواج كان بيبقى عندك مشكلة، بتقوي ومش بيهمك، هل النهاردة لو فيفي عبده في بينها مشكلة ورجل الأعمال الديراوي، تضعف شوية عشان الدنيا تمشي وعاوزة كنف راجل".

وقالت فيفي: "مقدرش أقول كده، احتفاظي بالراجل مش بيبقى بالطريقة دي، لأن مش على راسي بطحة إني أخاف من حد، أنا بتكلم على سجيتي، وجوزي عرف يحتويني وعرف قيمتي وده مهم جدا".