ننشر أقوال المتهم بقتل شاب بعد مشاجرة على كيس قمامة بالإسكندرية
ننشر أقوال المتهم في التحقيقات، بواقعة مقتل شاب داخل صالون حلاقة بشرق الإسكندرية ، والشهيرة إعلاميا بـ جريمة على كرسي حلاقة، حيث كشفت أن المتهم تربص للمجني عليه بعد مشادة كلامية بينهما.
ننشر أقوال المتهم بقتل شاب بعد مشاجرة على كيس قمامة بالإسكندرية
وقال في التحقيقات «محمد. خ. ا» المتهم بقتل شاب إثر نشوب مشاجرة بينهما بسبب كيس القمامة: اللي حصل إن أنا الساعة 11 مساءا كنت قدام المحل بتاعى في 48 شارع الطيار أحمد ابو السعود، ويوجد في وش المحل جزار، لقيت واحد من المحل طالع بيرمى زبالة قدام المحل بتاعى فعاتبته وشدينا مع بعض والناس دخلت سلكت بينا، وبعد كدا روحت مساكن العبور اللي في ونجت، وقعدت هناك لقيت مازن رايح عند الحلاق وراح باصص ليا بصة كلها شر، رُحت رايحله عند الحلاق بعاتبه وشدينا مع بعض وبقوله أنت يالا بتشتمنى بأمى؟ راح هو قايم من على كرسى الحلاق وفي سكينة وقعت منه أخدتها وهو كان معاه خنصر وروحنا ماسكين في بعض وروحنا ضاربين بعض.
وأضاف: وأنا مش فاكر أنا ضربته فين ولا كام ضربة، أنا كنت بدافع عن نفسي وفى واحد كان ماسك فيا من الخلف وكنت بدافع عن نفسي وبلوش وروحت خابط اللي خلفي وأخدت بعضى ومشيت لحد ما أعرف الدنيا هتمشى إزاى.
وتابع: ركبت الاسكوتر بتاعى وفضلت أتمشى به على البحر وفضلت اكلم ناس في المنطقة أطمن على مازن ولما عرفت ان هو أتوفى سلمت نفسى لأن مفيش ما بيني وما بينه أى حاجة.
