«التكاتك» تُضاعف الأجرة بجرجا.. ومواطنون: استغلال بسبب غياب الرقابة
أبدى عدد من المواطنين استياءهم الشديد من طريقة تعامل أصحاب التكاتك معهم، بعد وضع تسعيرة إجبارية تمثل ضعف المستحقة للتوصيلة، مستغلين فى ذلك غياب الرقابة من قبل الدولة عليهم، ومبررين أفعالهم بارتفاع أسعار البنزين وقطع الغيار. يقول أحمد صابر، من جرجا «أصحاب التكاتك بيبلطجوا على الناس، التوصيلة اللى أجرتها 10جنيه بقت بـ20 جنيه، ، مفيش رقابة ولا غيره من الدولة على سواقين التكاتك»، وتابع: «أنا أساساً ما بحبش أركب التكاتك دى بس النهاردة كان معايا زوجتى وكنت عند الدكتور بيها، عشان كدا ركبنا التوك توك، والله المسافة ما تجيش 200 متر، جيت أحاسب الراجل وباديله 10جنيه قالى لأ يا باشا أى توصيلة بقت بـ20 جنيه، أنت ما تعرفش ولا إيه؟ ولما رفضت أدفع اتخانق معايا»، مطالباً الجهات المختصة بمراقبة عمل التكاتك، خصوصاً أنها أصبحت إحدى أهم وسائل النقل فى الأحياء الفقيرة والشوارع الضيقة التى لا تسمح بدخول السيارات، ويؤكد أن التكاتك بالفعل توفر فرص عمل لكثير من الشباب، لكن معظم هؤلاء ممن لا يتحملون المسئولية، وبالتالى ينفقون أجرتهم على شرب المخدرات. وتقول إحدى السيدات التى تعودت ركوب التوك توك، إنها لا تجد وسيلة أخرى لنقلها سوى التكاتك، لذلك تدفع ما يطلبه السائقون، بالرغم من أنهم يضاعفون الأجرة عليها، وأن التوصيلة لا تستحق،
من جانبه، اعترف عامر ، سائق توك توك، بزيادة الأجرة على الركاب، مبرراً ذلك بارتفاع أسعار البنزين وقطع الغيار، والمعيشة بشكل كامل، قائلاً: «كل حاجة غليت وبقت نار.. هتيجى على أجرة التوك توك؟، وبعدين اللى مش عاجبه ما يركبش، أى توصيلة النهاردة بقت بـ20جنيه، لو الزبون هيركب 50 متر وينزل حتى، العيشة صعبة والسجاير اللى كنا بنشتريها بـ40جنيه بقت بـ50، هنعمل إيه يعنى، لازم الزبون يتحمل شوية». وقالت نجلاء، إن رفع أسعار توصيلة التوك توك يرجع إلى غياب الرقابة،
