هبة مجدي تكشف مغامرات الجن معها فى شهر الصيام

كشفت الفنانة هبة مجدي، عن أسباب حماسها للمشاركة في مسلسل "المداح أسطورة الوادي"، الذي عرض في رمضان الماضي 2022.

وأوضحت هبة، أنها تحمست للمسلسل فور قراءة سيناريو الحلقات الأولى، لتوقع على العقد دون تردد.

وأضافت: "قعدت مع المخرج أحمد سمير فرج واتكلمت كتير معاه عن الدور، لأن تاريخ الشخصية في الجزء الأول غير الجزء التاني، نفس الأخوات موجودين والأسرة لكن الأحداث جميلة وشدتني".

وتحدثت هبة مجدي عن شخصية رحاب التي جسدتها ضمن أحداث مسلسل "المداح أسطورة الوادي" قائلة: "هي إنسانة مش مظبوطة، مش طبيعية، الشخصية دي في كتير جدا منها في الحياة، وأنت تبقى شايف الحلو فيها وناس تانية شايفة الوحش، بس هي موجودة".

وأكدت على اعتقادها بوجود الجن حولها في كل مكان موضحة: "الجن موجود في كل حتة من غير إحنا نحس، ودي أكتر حاجة شدتني في السيناريو، أن المواقف دي بتحصل فعلا، الخناقة اللي في البيوت والخناقة اللي بين إتنين أصحاب، بتحصل فعلا".

وتابعت هبة مجدي حديثها عن الجن في أحداث المسلسل وقالت: "البنت اللي بتحب رجل ومش قادرة تطوله، ممكن تعمل له عمل وممكن تأذيه وهي بتحبه".