سيبوني اشتغل حرام عليكوا بلاش تقفوا في طريقي| رسالة حمو بيكا
كشف حمو بيكا، نجم المهرجانات، عن رغبته في العودة للغناء في مصر، أسوة بزملائه من مطربي المهرجانات والراب ممن حصلوا على كارنيه عضوية نقابة الموسقيين قائلا: مفضلش غيري.
وقال بيكا: الحمد لله أنا عندي حفلات في دبي ولبنان تكفيني سنة، بس أنا حابب أفضفض معاكم شوية، مصر وحشتني وكل حاجة فيها، بقالي شهر بره مصر بس عدى كأنه سنة، مصر أم الدنيا وهتفضل بخير، بس ليه تمنع الفرحة من على وشوش الناس، سيبونا نشتغل جوه بلدنا مش براها، أنا بشتغل بره بس مش حاسس بطعم النجاح غير في بلدي.
وأوضح بيكا: ياريت بلاش تقفوا في طريقي، مبقاش في العمر غير حاجة بسيطة، ومش دايم غير السيرة الطيبة، فسيبو الملك للمالك وربنا اللي بيقسم الرزق بس بلاش أرزاق الناس تتقطع، لأن الحياة صعبة، أنا الرزق بيتاخد مني في مصر، ربنا جبلي رزق في مكان تاني في مكان محدش بيقول فيه ممنوع.. أحب أوصل رسالة لأمي وأقولها: وحشتينى وربنا ميحرمنى منك واخواتى وحشتونى وزوجتى ووش الخير هي حاليا معايا في السفر بس بلاش تتنمروا على حد.
كان حمو بيكا، كشف تفاصيل أزمته الأخيرة مع نقابة الموسيقيين، قائلا: " أنا سبت مصر وبقالي شهر في دبي وناوي أستقر في دبي".
وأوضح حمو بيكا خلال مداخلة هاتفية ببرنامج كلام الناس، والمذاع عبر قناة إم بي سي مصر: أنا قررت أعيش في دبي بشكل كامل عشان أعرف أشتغل.. مصر وحشتني ونفسي أرجع تاني.
وأكمل حمو بيكا: أنا بعاني بقالي 6 سنوات في مصر كل شوية مشاكل مع النقابة ومعرفش أن موقوف ليه عشان كده أنا موجود في دبي لاني الشغل في مصر وقف.
