علقة موت غيرت مسيرة حياتي
انا دلوقتي جوزي بهدلني وضربني علقة موت قدام أهله ..وأهله ناس وحشين جدا،المهم انا روحت عند امي وقررت انفصل.
مرداش يطلق واتحايل علي اهلي وانا كنت واخده قرار الطلاق حتي رفعت خلع واهلي ضغوا عليا جدا حتي اخويا كان بيخليني اتعصب من كلامه عشان الشقة وهو بيقول لا عشان ترجع لجوزها .
دلوقتي انا رجعت ومش طايقة خالص شقتي واصبحت اكره كل من حولي وبتمني لهم حاجات وحشة وانا عمري ماكنت كده مستغربة نفسي عملوا ليا اضطراب نفسي رهيب مش طايقة اعيش وبتمني أطلق.. حلمي اني اطلق بكلم معاه كل يوم بقوله تعالي نطلق وكل واحد فينا يروح لحاله وتبقي علاقتنا كويسة عشان خاطر البنت اللي بينا وتعبت وبقيت بتعب نفسي في الشغل وأضغط علي نفسي في شغل البيت ومش قادرة انسي مش مرتاحة وخائفة جدا وهو متمسك جدا بيا.
وانا مش طايقة بحاول مع نفسي بس مش عارفة فكرت اروح لدكتور نفسي بصراحة الإهانات كانت كثير علي مدار 6 سنين مش قادرة انسي من اول مشكلة ولا كلمه والكلام بيدور في مخي كل دقيقة انشغال غريب وكره غريب وانا عمري ماذيت حد ولا كرهت حد، لكن مش عارفة اسيطر علي مشاعري واحساسي.
