احببتها رغم زواجي ورفضت الارتباط بي فرشحتها لصاحبي

متزوج وعندى بنت وولد وزوجتى أعشقها سنى ٣٨ سنه لكن من حوالى سته اشهر انضم الى فريق عملي سيده مطلقه في اواخر العشرينات وعندها ولد حوالى عشر سنين هى أصغر منى بعشر سنوات اعجبت بيها وبشخصيتها وجمالها وهدوئها وكنت ومازلت أكن لها كل تقدير واحترام حاولت اوصل لها فكره اننا نرتبط بس هى بادرت و قطعت عليا فكرة الزواج الثاني، وقالت لى انا اعيش عمري وحدانيه ولا اكون زوجه تانيه، المهم قولت الحمد لله جت منك المهم من حوالى اسبوع رشحتها لواحد صديق فعرضت عليها الأمر فقالت لى هو انت فعلا هاتخليه يتقدم لي قولتلها اه ده مش متجوز ولا عنده زوجه سابقه ولا اولاد وبعدين ده ابن ناس ومحترم قالت لي انت عايزني ارتبط فقولتلها انت لسه من شهر سألتي على حد معرفة يكون بيدور على عروسه، ايه غير رأيك؟ فجأة اتغيرت في كلامها ومعاملتها وبقالها يومين الكلمه بالقطاره هى شخصيه متقلبة المزاج هل دى فتره وهاتعدى ولا هى بتحبنى وبتتقل أتعامل معاها ازاى ولا اعمل ايه معاها ومش عايز اكون سبب كسره ليها اكتر من اللى هى فيه و انا خلاص قفلت صفحتها من ساعه ماقالت لى انها مش هاتكون زوجه تانية.