بنت الحسب والنسب سرقت العفش وجرجرتني في المحاكم
انا متجوز من حوالي ٧ شهور بعد خطوبه سنه خلال السنه دي الدنيا كانت حلوه ولذيذه وحمايا راجل في بيته وحماتي كل لما اروح بتصلي وانت ابني وحبيبي وعزومات وحاجات المهم يوم كتب الكتاب لقيتهم كاتبين قايمه بمليون الا ربع وطبعا أنا زي الاهبل مضيت وقلت دول ناس بتوع ربنا وهيشلوني من علي الأرض شيل..اتجوزت وبعد شهر حصل خلاف ف البيت زي اي خلاف لقيت الهانم بترفع أيدها وبتشتم قمت رافع ايدي انا كمان لقيتها قامت مصوته ولمة الجيران علينا واتصلت بأبوها لقيته جاي بيغلط وبيقولي اطلع بره بيت بنتي ومشوفش وشك هنا تاني قلتله مش طالع قالي طايب انا ابقي راجل ع*ق لو مجرجرتكش ف المحاكم انا الصراحه خوفت لأني مش حمل بهدله وومعيش فلوس اصلا للمحاكم انا راجل لسه حتي مفوقتش من مصاريف الفرح رحت اعتذرت وجيت علي كرامتي لغايه لما رجعت البيت دلوقتى من ساعة ما رجعت وهي أصبحت ناشز وغير كده قلة ادب اخر موقف حصل لقيتها جايبه ابن عمها وامها وأبوها وقاعدين وهي عماله تضحك وقاعده معاه بهدوم البيت هي وامها وأبوها قمت دمي فار وضربت ابوها وابن عمها وضردتهم وبعد لما مشيوا ضربتها وقولتيلها لمي هدومك وغوري وانا في الشغل اتصل بيا جاري وبيقولي الحق مراتك جت خدت العفش والحاجات ومشيت ولما روحت ملقيتش الحاجه ف الشقه ولقيتهم رافعين قضيه طلاق وتبديد وسرقة دهب وقضيه تعدي علي امها وأبوها وعليها وأبوها معور نفسه ولقيت نفسي داخل ف حوار كبير انا مش عارف آخره ايه ومش عارف اتصرف ازاي وخصوصا إني معييش فلوس لكل ده وكمان اخواتي وعيلتي كل واحد مكفي نفسه بالعافيه انا مش عارف اتصرف ازاي
