ابن سيدة مريضة يروي قصتة مع الدكتور عمرو الرباط
هذا البوست نشرة احد الاصدقاء علي القبيس بوك وتداول علي مستوي واسع وهو لكتور معروف متخصص في امراض الكبد وكما ان هناك نماذج غير سوية في المجتمع فوجب ان نذكر نماذج مشرفة نفخر بها كمصرين ونضعها بين عيوننا وفوق راسنا تقديرا واحترام لسلوكها الانساني الراقي والمميز
ويري صاحب قصتة مع الدكتور عمرو الرباط ... استاذ الكبد والجهاز الهضمي بجامعة المنصورة قائلا
قطعت كشف ودخلتله العيادة فقالي فين المريض ... قولتله محجوزة في عزل مستشفي سمنود والدكاترة بيقولوا ان عندها مشكلة في الكبد فجيت لحضرتك تشوف الاشعة .... رن الجرس ورجعلي الكشف وقالي ممكن تنتظرني لبعد العيادة ماتخلص .. قولتله خير يادكتور ... قالي ان شاء الله خير بس هستأذنك تستناني لحد مااخلص عيادة وفتحلي مكتبه في العيادة وبالظبط ساعة ولقيته واخدني في عربيته لحد مستشفي سمنود وبيطلع العزل بعد مانسق مع اطباء مستشفي سمنود وطلع كشف علي الحالة ورفض تماما ياخد مني جنيه ورجع قيمة الكشف
... النهاردة والدتي بترجع لبيتها ثاني بعد ماكان الراجل دا احد الاسباب في استعادة صحتها فحبيت اشكره ادام الناس لان ليه جميل في رقبتي هفضل شايله مدي الحياة
شكرا دكتور عمرو الرباط ... استاذ الكبد والجهاز الهضمي بجامعة المنصورة
فشكرا دكتور انك انسان اولا
