أمير طعيمة : الست المحجبة دي مضايقاك في إيه وقارفها في عيشتها بكلامك ليه
انتقد الشاعر الشهير أمير طعيمة محاولات بعض الكُتاب والإعلاميين نفي فرض الحجاب من وجهة نظر ديني.
وعلق أمير طعيمة على هذه المحاولات وكتب عبر حسابه الشخصي بموقع فيس بوك: هو موضوع فلانة لبست الحجاب وفلانة خلعته ده شاغل الناس ليه إيه مشكلة البعض مع الحجاب أساسا.
وتابع أمير: وبعض الإعلاميين ومن يطلق عليهم العلمانيين بيستقتلوا ليه عشان نفي فرضية الحجاب، يعني لو المحجبة اقتنعت بفتاويك وقلعت الحجاب الكون والكوكب والبلد هيستفيدوا إيه ؟ هل إحنا مثلا دولة بنفرض لبس الحجاب على المرأة فإنت ضد قهرها؟ لا.
هل إحنا بنضيق على غير المحجبة مثلا في الوظائف والحياة العامة فإنت ضد ظلمها؟ لا، بل بالعكس دي غير المحجبة هي اللي فيه تضييق عليها في الفن والإعلام وبعض الوظائف، ده حتى فيه أماكن ومطاعم بتمنع دخول المحجبات.
وأنهي بــ: يبقى السؤال: الست المحجبة دي مضايقاك في إيه وقارفها في عيشتها بكلامك ليه، وعمال تجيبلي صور قديمة وتقارنها بصور جديدة كما لو كان ده دليل إننا كنا متحضرين وبقينا متخلفين، معلش هو مال التحضر بالحجاب والفستان المفتوح والميكرو جيب مش فاهم، يعني المحجبة لو لبست اللي بيبسطك معدل ذكائها وإنتاجيتها هيرتفعوا فالبلد هتروح في حتة تانية؟
