بعد حكاية الست مش ملزمة الدكتور علي جمعة-نخليها بالحب أفضل

تداول روادنوقع فيس بوك بوست يدور حول ان الست مش ملزمه في حوار حول راي الدين في الامر مع مفتي مصر الاسيق الدكتور علي جمعة فماذا قال ؟

ــــــــــــ نخليها بالحب أفضل ــــــــــــــــــــ
المذيع أ عمرو خليل :- ايه رأيك يا مولانا في اللي بيتقال على السوشيال ميديا بقاله اسبوعين واكتر من كون المرأة ملزمة بخدمة زوجها وأولادها ولا لأ ؟

أ.د علي جمعة:- بص هو عندنا فيه طريقين طريق فقه القضاء وطريق فقه الحياة الأول فقه القضاء وده قايم على الحقوق والواجبات وده مش هو الأصل ده بنروحله وقت النزاع والخناق بس
لكن الطريق التاني وهو الأصل هو فقه الحياة وده قائم على الحب والحب بيقوم على العطاء
طيب حصل خلاف والست راحت للقاضي وقالتله يا حضرة القاضي هو أنا واجب عليه أغسل واكنس واطبخ وأرضع ..إلخ ؛ يقوم القاضي فاتح الكتب يلاقي المالكية والشافعية والحنابلة قالوا لأ مش واجب لكنها سنة حسنة وفق الله لها نساء المسلمين وتؤجر عليها

أ عمرو :- وفي مصر يا مولانا احنا بنتزوج على المذهب الحنفي صح

أ.د علي جمعة :- آه لما بنروح للمأزون بنقول وراه وعلى مذهب الإمام أبي حنيفة النعمان نروح للإمام أبو حنيفة نلاقيه قالك لأ الزوجة واجب عليها خدمة زوجها
-يبقى تسكتي بقى وخلوها ماشية بالحب احسن ????-

لكن إحنا في الحقيقة مش عايزين لا نروح للشافعية والمالكية والحنابلة ولا عايزين نروح للحنفية لأن إحنا مش عايزين نوصل إن احنا نروح للقاضي أصلا الزواج مش قائم على الحقوق والواجبات دي علاقة قائمة على الحب والمودة والرحمة والسكينة والعطاء
ونلاقي السيدة فاطمة -رضي الله عنها- لما تعبت من شغل البيت راحت لسيدنا ﷺ تقوله
شوف بقى ﷺ عمل ايه ما رحش جاب سيدنا علي -رضي الله عنه - وقاله خلي بالك ياعلي أنا بنتي مش واجب عليها شغل البيت لأ
ده ﷺ قالهم انتوا الاتنين هتخدموا بعض يعني انتِ يا فاطمة تقومي بالخدمة الباطنة وأنت يا علي تقوم بالخدمة الظاهرة

أ عمرو:- يعني ايه يا مولانا خدمة باطنة وظاهرة

أ.د علي جمعة:- الخدمة الباطنة يعني اي حاجة جوى البيت تقوم بيها السيدة فاطمة والخدمة الظاهرة يعني أي حاجة برا البيت يقوم بيها سيدنا علي

فالست تتعب عشان تخدم زوجها واولادها بحب والراجل برده يتعب عشان يقوم باحتياجات مراته وأولاده بحب ولا ينسوا البر بينهم والفضل